Comissão da Função Pública

Díli, Prezidente KFP, Faustino Cardoso Gomes, Komisaria Carmeneza dos Santos Monteiro, Komisaria Maria de Jesus Sarmento, Komisariu António Freitas no Komisariu Fausto Freitas da Silva akompaña husi Sekretaria Ezekutiva SKFP, Santarina Xavier Rosário iha loron kuarta feira, 02/06/2021 halo enkontru ho Diretor Jeral ADN ho nia estrutura hasoru malu ho KFP diskute kuadru pessoal no tabela rejistu salarial ba funsionárius Ajensia Dezenvolvimentu Nasional Institutu Públiku (ADN.IP) iha futuru.

Prezidente KFP, Faustino Cardoso Gomes iha enkontru ne’e hateten, bazeia ba dekretu lei númeru 60/2020, 25 novembru ADN.IP iha espíritu misaun no vizaun foun iha komprimisiu atu asegura legalidade ADN ho nia estatutu bazeia ba instrumentu apropriadu atu asegura rejistu salarial ne’ebé define ADN hodi hola inisiativa halo proposta.

Iha proposta refere ne’e husu mos komisaun nia pareser antes aprezenta ba Konsellu Ministru aprova hodi asegura sistematiza sustentavél efetivu, efikasia, efisiente iha âmbitu estadu nian.

Kona-ba mapa pessoal no rekrutamentu ba funsionárius kabe ba ADN atu halo prosesu bazeia ba estrutura organika ADN nian no parte Komisaun prontu servisu hamutuk iha âmbitu rejistu salarial no apoia asegura rekrutamentu, tanba Komisaun iha fasilidade atu aselera prosesu teste ho lalais.

Relasiona ho estatutu funsionáriu nain haat ne’ebé destakadu iha ADN durante ne’e kabe ba ADN atu halo avaliasaun no tuir nesesidade servisu ADN nian.

Sorin seluk, diretor jeral ADN, Renato da Cruz hateten, nia ho ekipa nia prezensa iha enkontru ne’e hodi halo konsultasaun ba Komisaun Funsaun Públika relasiona ho estatutu ADN.IP hodi garante sustentabilidade servisu ADN iha futuru diak liu tan, tanba ne’e ADN sei kontinua halo konsultasaun rutina ho Komisaun hodi asegura legalidade servisu ADN nian.

Enkontru ne’e hala’o iha salaun enkontru KFP Matadouro, Dili.