Comissão da Função Pública

Ekipa konjunta KFP, ILO, SEII, NGO ALFaLa no reprezentante RHTO hala’o desiminasaun kona-ba violensia no asédiu seksual iha munisipiu Liquiça atu partilla informasaun ba funsionárius públikus hodi hatene lalaok sira liga ho asuntu refere.

Iha abertura serimónia diseminasaun ne’e komisáriu portfóliu disiplinar, Fausto Freitas da Silva hato’o ba partisipantes sira katak, tau aan disiplina no respeita família hodi hasees aan husi hahalok aat ne’ebé hamosu problema, sobu família uma laran.

Reprezentante ajénsia internasional ILO, Domingos Natividade orador ba iha diseminisaun ne’e liu husi nia intervensaun hato’o ba partisipantes sira katak, nia apresia tebes ba preparasaun munisipiu Liquiça hodi simu ekipa konjunta diseminasaun husi nasional. Esplika nian, violensia no asédiu seksual ne’e iha konvensaun nu.190 no rekomendasaun nu.206 hanesan padraun regulador ida, bandu labele iha violensia no asédiu seksual hasoru ema sira ne’ebé frajil, tanba sira mós iha direitu moris hanesan ema seluk livremente envolve aan iha mundu traballu sem violensia no asédiu.

Administrador munisipiu Liquiça, Pedro Paulo Gomes nu’udar uma nain halo abertura ba serimónia diseminasaun ne’e hateten, nia kontenti ho diseminasaun ida ne’e tanba, importante ba funsionáriu sira atu fó nia atensaun tomak hodi hatene materias ne’ebé orador sira fó, sekarik ladun intende husu orador sira esplika detalhamente para intende didiak hodi bele komprende, hodi evita hahalok ne’ebé aat no diseminasaun ida ne’e mós parte materia di’ak ida ba promosaun nian hodi hasae grau.

SEII nia planu ba programa ida mak hakbiit no promove partisipasaun feto ba dezenvolvimentu ekonomona iha Timor-Leste lih husi promove igualdade jéneru, oportunidade ba traballu, fortalese ekonomia feto nian ba sustenta moris liy gusi auto empregu no konfiansa, ne’ebé mak feto hatudu sira nia abilidade, kapasidade, no enkoraja eto maluk sira organiza malu ba servisu ho grupu, hateten reprezentante pontu fokal SEII Liquiça.

Entretantu, violensia bazeia ba jéneru ne’e violensia ida ne’ebé dala barak mosu iha eksola, fatin servisu públiku, aldeia to’o siku ne’ebé akontese violensia doméstika iha uma laran, problema hirak ne’e la’ós para de’it iha ne’e maibé tenki hato’o keisa ba entidade sira hodi prosesa ba tribunal hodi hatan ba krimi públiku, esplika reprezentante ALFeLa.

Kestaun hirak ne’e dala barak ALFeLa fó asistensia, advokasia justisa formal ho tipu asistensia legal, edukasaun no justisa ba kualker tipu violensia, hodi fó protesaun ba vítima sira hodi hetan justisa formal, defende sira nia direitu husi ameasas, krime sira, dehan Antoninho Marques iha diseminasaun ne’ebé hala’o iha munisípiu Liquiça iha sesta feira, (18/11/2022).

Iha mós sosiedade sivil ema ho defisiensia Raes Hadomi Timor Oan (RHTO) ninia prezensa iha diseminasaun ne’e fó mós ninia intervensaun katak, ema ho defisiensia ho tipu defisiensia matan, fízika, senoria, intelektual no moras mental, mós dala balun hetan violenisa seksual, husi ema iresponsabilidade sira, no violensia seluk tan, ho hanoin hirak ne’e asosiasaun ema ho defisiensia sira fó asistensia no hateten, labele haree de’it ba fíziku maibé haree mós ba abilidade no matenek ne’ebé ema ho defisiensia bele kotribui ba nasaun ne’e.

Violensia no asédiu hasoru ema ho defisiensia iha mundu traballu aprezenta husi reprezetante Iha diseminasaun ne’e orador sira aprezenta kona-ba Introdusaun “Eliminasaun Violensia no Asedio iha Mundu Traballu husi ILO, Lae ba Asediu Sexual & Chatbot Roza no Prosedimentu Disiplinar husi xefe rekursu umanus KFP, Politika no Estrategia SEII hapara “Gender Base Violence” aprezenta husi pontu fokal SEII, Papel Sosiedade sivil hodi kombate “Gender Base Violence” aprezenta husi Diretora Ezekutiva ALFeLa no Introdusaun Ema ho Defisiensia no Violensia no asédiu hasoru ema ho defisiensia iha mundu traballu RHTO nian iha Liquiça.

Funsionárius munisipiu Liquiça ne’ebé marka prezensa iha atividade ne’e feto 17 no mane 28.