Comissão da Função Pública

Sekretariu Estadu Komunikasaun Sosiál, Expedito Dias Ximenes sai inspektor ba serimónia isar bandeira liu husi diskursu, fó hanoin ba sidadaun Timor oan ida-idak, liu liu funsionáriu públiku sira atu halo reflesaun ba eventu importante tolu ne’ebé sei selebra iha fulan Novembru nia laran hanesan “loron nasionál ba feto” ne’ebé monu iha loron 3 fulan Novembru selebra ona iha postu Administrativu Quelicai, Munisípiu Baucau, loron Nasional Juventude Masakre Santa Cruz (12 Novembru) no komemorasaun loron Proklamasaun Unilateral Independensia 28 Novembru.

Expedito Dias Ximenes esplika, hanesan funsionariu públika presiza halo reflesaun ba eventu istoriku tolu ne’e iha ida-idak nia vida moris hodi banati eroi sira nia sakrifisiu luta ba ukun rasik aan an, hodi hala’o knár ho di’ak, resposabilidade, loyalidade, integridade hodi kontribui ba prosesu dezenvolvimentu masionál ba iha konstrusaun Estadu, hamutuk ho IX Governu konstiousional planea no halo liu husi atendimentu ba públiku iha servisu administrasaun públiku.

“Se uluk ita nia asuwain sira halo ezersisiu boot ho isin no mate hodi defende independensia liberdade no soberania Timor Leste nian, tamba ne’e iha prosesu dezenvolvimentu nasionál presiza asuwain foun hodi hatutan luta eroi sira nian ain fatin liu liu funsionáriu públiku sira sai ajentes transformativu hodi kontribui ba prosesu dezenvolvimentu IX Governu atu bele atinji metas konstitusional hodi lori povu ba moris di’ak,

dehan Sekretariu Estadu Komunikasaun Sosiál, Expedito dias Ximenes.

Expedito Dias Ximenes subliña, liu tan katak haree múzika marcha Funsaun Públika hatudu katak, nu’udar funsionáriu públiku ne’ebé hola parte iha administrasaun públika promete serbí ho lealdade ba Estadu no Governu, defende servisu ho dignidade kotribui ba dezenvolvimentu nasionál tuir Konstitusaun atu kondúz povu ba hetan moris di’ak. Husu mós ba Funsionáriu Públiku liliu kargu xefia sira atu partisipa ativu iha prosesu preparasaun orsamentu iha ida-idak nia ministeriu no instituisaun ba prosesu diskusaun orsamentu Jeral Estadu tinan 2025 nian iha Parlamentu Nasionál iha inisiu fulan Novembru ne’e no nia implementasaun orsamentu Jeral Estadu kaer metin nafatin mensajen Primeiru Ministru nian

“osan povu nian jere ho di’ak”.

Partisipa iha isar bandeira ne’e Prezidente Interinu no Komisarius KFP hamutuk estrutura Sekretariadu no funsionarius sira iha segunda-feira, (4/11/2024), ba primeira semana fulan Novembru tinan 2024 iha Palásiu Governu.