Komisariu Komisaun Funsaun Públika ba asuntu Forsa Traballu, Jose Telo Soares Cristovão iha kinta feira, (04/04/2024) halo abertura ba enkontru regular GJPRU ba dahuluk tinan 2024 ho Tema Disiplina no Honestidade servisu mak Xave ba susesu kada personalidade iha Ministeriu Juventude Desportu Arte no Kultura.
Komisáriu José Telo Soares Cristovão iha diskursu abertura hateten, Grupu Jestor Profesional Rekursus Umanus hahú harii iha primeiru mandatu Komisaun Funsaun Públika ho hanoin ida halibur direjentes jestaun rekursus umanus husi liñas ministeriais hotu Nasional no Munisípiu ho objetivu atu tuúr hamutuk hodi fahe informasaun ba malu kona-ba problema rekursus umanus ne’ebé akontese iha kada ministeriu atu oinsá hamutuk buka solusaun hodi mellora di’ak liutan prestasaun servisu ba atendimentu ba públiku.
Komisáriu ne’e esplika, iha tempu badak sei halo enkontru ida ho ekipa steeriing Komite GJPRU nian hodi halo diskusaun kona-ba metodu ruma atu oinsá hadia di’ak liu jestaun rekursu umanus funsionalizmu públiku bazeia ba programa IV mandatu KFP hodi buka solusaun ba problema funsionariu públiku sira infrenta durante ne’e. Tanba aervisu administrasaun públika nu’udar fuan ba funsionamentu Estadu ne’ebé tenki mellora beibeik servisu rekursu umanus nia prestasaun servisu di’ak liu tan.
Nia husu ba dirigentes rekursu umanus sira hotu atu partisipa ativu iha ekontru GJPRU tuir mai atu bele ho kompriende ho didial no implementa iha ida-idak nia instituisaun kona-ba dezisaun sira ne’ebé deside iha enkontru ekstering komite GPRU.
Materia aprezenta iha enkontru dahuluk GJPRU tinan 2024 maka Dekretu lei no. 25/2016, 25 Junu kona-ba rejime kargu diresaun xefia iha Administrasaun Públika, dekretu lei no. 01/2018 24 Janeiru kona-ba rejime promosaun pessoal karreia iha administrasaun públika aprezenta husi professional senior, Belarmino Filomeno Neves no polítika promosaun husi senior professional João Corte-Real.
Materia rejimentu GJPRU, disiplina no onestidade servisu maka xave ba susesu kada personalidade no manual lisensa sem vensimentu.
GJPRU ne’e organiza husi Ministeriu Juventude Desportu Arte no Kultura ne’ebé hala’o iha salaun MSSI, Caicoli.
Estatutu Funsaun Públika depois hetan autorizasaun husi Parlamentu ho lei númeru 7/2024, no halo alterasaun…
Tersa-feira, 03 Juñu 2025 – Prezidente, Komisarius Komisaun Funsaun Públika akompaña husi Sekretária Ezekutiva no…
Suspensaun ba rekrutamentu ne’ebé mak Konsellu Ministru suspende baze ba pedidu husi Komisaun Funsaun Públika…
Sekretária Estadu Igualdade (SEI) Elvina de Sousa Carvalho ho nia Komitiva, iha segunda-feira, 02 Juñu…
Segunda-feira, 02/06/2025 - Prezidente, Komisárius, Sekretária Ezekutiva hamutuk funsionárius SKFP ne’ebé tutela ba iha Prezidensia…
Tersa-feira, 27/05/2025, Komisáriu protefóliu planeamentu forsa traballu, José Telo Soares Cristovão sai orador iha iha…