Prezidente no Komisarius Komisaun Funsaun Públika enkontru ho Prezidente Parlamentu Nasional iha salaun enkontru Prezidente GMPTL asesor ba Jeneru Parlamentu Nasional iha kinta-feira, 11/04/2024.
Prezidente KFP, Agostinho Letêncio de Deus hafoin enkontru liu husi entrevista ho jornalista sira esplika, objetivu husi enkontru ho Prezidente Parlamentu Nasional, Fernanda Lay iha pontus importante rua ne’ebé diskuti, primeiru mai relata atividade KFP nian ba Prezidente Parlamentu Nasional tanba kada tinan sempre hato’o relatoriu servisu Komisaun Funsaun Públika iha plenaria Parlamentu Nasional. Bazeia ba lei no. 7/2009 kona-ba estabelese Komisaun Funsaun Públika ne’ebé dehan katak, fulan Marsu tenki komunika ona ho Parlamentu Nasionál atu haree kona-ba relatoriu anual KFP nian, maibé tanba fim fulan Marsu tama ba festa paskua no kestaun tempu, tamba ne’e ohin mak ami mai hodi informa tempu besik sei entrega relatoriu.
Segundu, asuntu ko’alia mós kona-ba estatutu Komisariu nian, liu liuliu iha estabelesementu Komisaun Funsaun Públika iha Komisariu nain rua ne’ebé nomeia husi PN, enkuantu Komisariu nain tolu nomeia husi Konsellu Ministru. Ba dadaun ne’e Komisariu nain rua husi Parlamentu Nasionál ne’ebé nomeia iha terseiru mandatu kontinua hala’o knaar, tanba nee ami mai ko’alia ho Prezidente Parlamentu Nasionál kona-ba estatutu oinsá maka bele halo reajustamentu atu hotu-hotu iha kuartu mandatu iha Komisaun Funsaun Públika.
Tersa-Feira, 14/05/2024 - Prosesu teste eletrónika bolsa kandidatus rejime dosentes ne’ebé hala’o hahú loron 15…
Komisaun Funsaun Públika lansa pre-post test digital iha munisípiu Aileu hodi hahú diseminasaun legislasaun, regras…
Segunda-feira, 13 Maiu 2024 – Komisáriu Komisaun Funsaun Públika portefóliu ba asuntu Pensaun no Reforma,…
Komisáriu Komisaun Funsaun Públika Portefóliu ba Forsa Traballu iha Funsaun Públika, José Telo Soares Cristóvão…