Atu fasilita Funsionárius Públikus halo kréditu iha Banku Komersial sira iha Timor-Leste, segunda-feira, loron 24 fulan jullu tinan 2023, Prezidente Komisaun Funsaun Públika Faustino Cardoso Gomes ho Komisariu sira hala’o enkontru ho Responsável Másimu Banku Komérsiu hat iha sala de Reuniões KFP nian.
Prezidente KFP Faustino Cardoso Gomes hateten iha inísiu de enkontru ho Responsável máximu Banku nian, hanesan Banku Nasional Komersiu Timor Leste-BNCTL, Banco Nacional Utramarino-BNU, Bank Rakyat Indonesia-BRI no Banku Mandiri, ne’e hanesan opurtuindade atu partilla informasaun ba malu konaba oinsa atu fasilita Funsionárius Públikus halo Kréditu iha banku liu husi fasilidades ne’ebé KFP kria ona, hanesan kartaun identidade Funsionáriu Públiku sira nian, liu husi SIGAP foun.
Tuir entendimentu KFP nian katak banku Komérsial hat iha Timor-Leste nia kliente barak liu maka Funsionárius Públikus, ho total rihun tolu nulu resin hitu, atus rua resin, maske ho sira nia vensimentu ne’ebé ki’ik.
Ho sistema ne’ebe KFP prepara, bele fasilita diak liu tan atendimentu ba Funsionáriu sira iha parte dokumentus funsionáriu sira nian, parte banku bele asesu dokumentus sira diretamente iha SIGAP foun, liu husi Funsionáriu sira nia Uzuariu no Password.
Iha parte seluk, Prezidente Konsellu Administrativu BNCTL António Vitor aprezenta nia preokupasaun balun konaba kliente ne’ebe kreditu iha Banku ida sidauk rekopera hotu, maibe ba Kreditu tan iha Banku seluk, nune’e mos husu konaba uzuáriu ho Password funsionáriu sira nian, Prezidente KFP Faustino Cardoso Gomes responde katak Komisaun nia sistema SIGAP foun só bele asesu husi Funsionáriu ne’e rasik, tanba liu husi sira nia uzuáriu ho pasasword.
Partisipa iha enkontru ne’e Komisáriu Fausto Freitas da Silva, Komisária Maria de Jesus Sarmentu, lideransa husi BNCTL, BNU, Mandiri ho BRI, Diretores Nasionais ho Tékniku KFP nian.
Komisaun Funsaun Públika lansa pre-post test digital iha munisípiu Aileu hodi hahú diseminasaun legislasaun, regras…
Segunda-feira, 13 Maiu 2024 – Komisáriu Komisaun Funsaun Públika portefóliu ba asuntu Pensaun no Reforma,…
Komisáriu Komisaun Funsaun Públika Portefóliu ba Forsa Traballu iha Funsaun Públika, José Telo Soares Cristóvão…
Komisáriu portefóliu ba Disiplinar iha Komisaun Funsaun Públika, Agapito da Conceição prezensa iha programa POVU…
Prezidente Komisaun Reguladora Arte Marsiais (CRAM) audiensia ho Prezidente no Komisárius Komisaun Funsaun Públika hodi…
Ekipa ida husi Komisaun Funsaun Públika hamutuk ho INAP partisipa iha Sesaun ba dala-23 Komisaun…