Comissão da Função Pública

Aileu, 12 Outubru 2026 Prezidente Komisaun Funsaun Públika (KFP), Agostinho Letêncio de Deus, halo lansamentu ofisial ba iha Formasaun Lideransa ho Tema “ Formasaun Baziku no Public Speaking” ne’ebe reprezenta Prezidente Autoridade Munisipiu Aileu maka Sekretario Munisipal Aileu, iha salaun Munisipal Aileu.

Objetivu hosi Formasaun ne’e, atu motiva, fo konhesementu efisiente no treina oinsa espresa hanoin hodi prepara no dezenvolve lideransa foun sira.

Prezidente Komisaun Funsaun Publika, Agostinho Letencio de Deus hato’o mensajen ba formandu sira, katak importansia husi formasaun baziku no public speaking ne’e hanesan etapa dahuluk hodi prepara ba formasaun sira seluk tuir mai.

Prezidente Agostinho mos husu ba chefe Rekursu Umanu (RH) atu halo formasaun sira ne’e sai nudar esijensia kontinua ba pesoal ida-idak hodi dezenvolve aan, hodi expressa nudar matadalan no formasaun sira ne’e tenke lori mudansa no pensamentu inovativu.

Reprezentante Prezidente Autoridade Munisipiu Aileu, Sekretariu Munisipal Aileu PIDI Aileu, Francisco Aurėlio Alexio Martins hato’o agradesemente, no hateten katak funsionariu sira iha Munisipiu Aileu presiza tebes Apoiu husi Komisaun Funsaun Publika (KFP), Liu-liu iha area formasaun baziku no formasaun karakter ba ajente administrasaun Publika sira.

Total formandu ne’ebe tuir formasaun Baziku no Public Speaking hamutuk ema nain 20, kompostu husi Feto 9 no Mane 11. Formasaun ne’e halao durante loron 5 nia laran, no ensera iha loron 12 fulan outubru tinan 2026 ho fohe sertifikadu ba formandu sira husi Komisario KFP Agapito da Conceicão.