Comissão da Função Pública

Kinta-feira 30 Maiu 2019 – Ekipa Komisaun Funsaun Públika, Diresaun Nasional Forsa Traballu Mobilidade iha Funsaun Públika hamutuk ho asesor Juridiku no asesor senior apoiu Rekursu Umanos kontinua halo konsultasaun ba Nivel Nasional ba proposta polítika alterasaun dekretu lei nú. 19/201, 8 junho ne’ebé hetan alteradu husi dekretu lei anteriornú. 14/2008, 7 Maiu kona-ba rejime avaliasaun dezempeñu individual ba trabalhadores sira iha  Administrasaun Públika, ba okupantes kargu husi Ministériu Saúde no Minis’teriu Solidaridade Sosial no Inkluzaun ne’ebé hala’o iha salaun enkontru Ministeriu Solidaridade Sosial no Inluzaun, Caicoli, Dili.

Diretora  Nasional Forsa Traballu Mobilidade iha Funsaun Públika, Anita de Jesus Tavares Ribeiro iha nia intervensaun husu  Diretor Jeral, Inspetor Jeral, Diretor Nasional, xefe Departamentu no xefe sesaun husi ministeriu Saúde no ministeriu Solidaridade Sosial no Ikluzaun, atu partispa maximu iha konsultasaun ne’e atu haree liu ba konteúdu alterasaun instrumentu no fixa avaliasaun dezempeñu, avaliasaun dezempeñu ordinaria no ekstrordinaria hodi kontribui ideia suguestoes ba alterasaun ba dekretu lei ne’e.

Komisaun Funsaun Públika sei kontinua halo konsultasaun ba ministeriu hot-hotu atu bele akumula idea no sugestoes ne’ebé diak hodi kontribui ba alerasaun ba proposta dekretu lei ne’e bainhira implementa tenki refleta  ba kondisaun real Administrasaun Públika Timor Leste nian.

Entretantu durante seksaun husu no hatan kargu diresaun no xefia husi Ministeriu Saúde no Ministeriu Solidaridade Sosial no Inkluzaun partisipa maximu hodi fó opiniaun no sugestaun bainhira implementa dekretu lei ne’e refleta duni ba situasaun aktual Timor Leste nian.

Partisipa iha konsultasaun ne’e mai husi Kargus okupantes sira husi instituisaun repzentante Inspetor Jeral Estadu, HNGV, Ministériu Saúde, KNDL, Laboratoriu Nasional no MSSI.