????????????????????????????????????
Kuarta feira, 29 Maiu 2019 – Grupu Jestores Profisionais Rekursus Umanus (GJPRU), hala’o enkontru ba datoluk ne’ebé organiza husi Universidade Nasional Timor Lorosa’e (UNTL) ho tema rua ho tópiku : Polítika Jestaun Rekursus Umanus Timor-Leste no Harmonizasaun no Implementasaun Leis no Dekretu Leis Liga ba Jestaun Rekursus Umanus.
Enkontru ne’e loke ofisialmente husi reprezentante Prezidente KFP Sekretaria Ezekutiva, Maria de Jesus Sarmento.
Iha abertura ne’e Sekretaria Ezekutiva hateten, nia kontenti tebes tanba loron ohin UNTL organiza enkontru ne’e hetan partisipa masimu husi estrutura dirijentes UNTL nian, no matéria ne’ebé mak aprezenta mai husi Prof. Dr nain rua ne’ebé mak iha área espesifika ba ida ne’e.
Sekretaria Ezekutiva, Maria de Jesus Sarmento mós lori Komisaun nia naran kongratula no agradese ba UNTL ne’ebé mak organiza enkontru GJPRU ba datoluk.
Iha sesaun aprezentasaun ne’e Dr. Valentim aprezenta kona-ba polítikas integradas jestaun rekursus umanus ba inovasaun Funsaun Públika Timor-Leste, ho objetivu atu promove polítika jestaun rekursus umanus integrada ida atu prestijia misaun Funsaun Públika ho nia ajente sira hodi hadiak prestasaun servisu, promove pratika diak iha jestaun denominada iha jerensializmu atu dimaniza organizmu públiku no kualifika funsionariu sira bazeia ba valores sira iha Funsaun Públika, no eleva grupu jestores rekursu umanus ho ideias inovadores sira oinsa atu dinamiza no administra rekursu umanus iha instituisaun ida-idak ho forma integrada.
Padre Julio Crispim Ximenes Belo nia aprezentasaun haree liu ba oinsa harmonizasaun leis no dekretus leis sira liga ho jestaun rekursu umanus nian atu lei ne’ebé kria labele ses malu no atu hadia rekursu umanus iha Funsaun Públika ho exelente no profisional.
Orador ba sesaun aprezentasaun ba materia ne’e Prof. Dr. Valentim Ximenes ho Pe. Julio Crispim Ximenes Belo no partisipante iha enkontru ne’e estrutura dirijentes UNTL, no jestores rekursus umanus husi instituisaun no ministériu sira hotu hamutuk 170.
DÍLI – Prezidente no Komisárius Komisaun Funsaun Públika (KFP), ne’ebé akompaña husi Sekretária Ezekutiva, hala’o…
07 Abríl 2026, Vizita Primeiru-Ministru Kay Rala Xanana Gusmão mai KFP hodi konfirma pagamentu ba…
DILI – Komisaun Funsaun Públika (KFP) hamutuk ho Institutu Nasionál Seguransa Sosiál (INSS) foti pasu…
DILI, 26 Marsu 2026 – Komisáriu Komisaun Funsaun Públika (KFP) ba asuntu Planeamentu Forsa Traballu,…
DILI, 25 Marsu 2026 – Prezidente Komisaun Funsaun Públika (KFP), Agostinho Letêncio de Deus, hamutuk…
DILI – Komisaun Funsaun Públika (KFP) foti ona desizaun ba kazu alegasaun asédiu seksual ne’ebé…