Comissão da Função Pública

14 marsu 2024, Prezidente Komisaun Funsaun Públika, Agostinho  Letêncio  de Deus,  Komisaius nain rua ho nia partisipa serimónia tomada de posse ba Diretores  Jerais  no Diretor Nasionais  nain  20 iha Ministeriu Turizmu no Ambiente iha Salaun Memorial  Hall  Farol, Díli.

Emposadu ne’ebé simu posse ne’e kompostu husi Diretor Jeral nain 3 (Mane 2 no feto 1), Diretor Nasionál nain 18 (mane 14 no feto 4).

Liu husi diskursu Prezidente KFP, Agostinho Letêncio de Deus iha ninia diskursu hato’o katak, lideransa hot-hotu la mai ho hanoin hanesan ne’ebé imi sai nu’udar lideransa atu halo buat ne’ebé diferente ho ida uluk iha Ministériu Turizmu no Ambiente. Tanba Primeiru Ministru ko’alia hela foku ba tasi no mina maibé foku mós ba rekrusu seluk hodi sustenta Timor ne’e ba oin mak hanesan rekursu turizmu no ambiente hodi substitui taxa ba ita nia nasaun, hodi hasa’e rendimentu ba tempu oin mai.

Iha tempu hanesan Vise Primeiru no Ministru Turizmu no Ambiente, Francisco  Kalbuady  Lay enkoraja emposadus  sira atu kumpri  servisu  tuir  regras  ne’ebé  iha,  tantu funsionáriu  ka  Ministru laiha ida mak  perpetua ka la’ós eransa husi Inan ka Aman rai hela ba  ita, ne’ebé  ita  nian laiha. Ita hotu servisu  tuir tempu no fiar ne’ebé mak fó ita to’o ona tempu  ne’ebé determina ita sai husi fatin ida ne’e, maibé durante ita servisu tinan ida, rua ka to’o tinan lima maximu ita iha  interese atu fó fuan no neon tomak servisu ho responsabilidade dedika an servi ba ita nia Rain no  povu Timor tomak  nia moris.