Comissão da Função Pública

11 marsu 2025, Komisáriu KFP Portefóliu Disiplinar, Agapito da Conceição akompaña husi ho xefe Gabinete Diretor Nasionál ba Disiplinar no no Diretor Planeamentu Kuadru Pessoal ba partisipa deseminasaun ne’ebé oganiza husi Minitériu Ensinu Superior Siensia no Kultura (MESSK) iha Aula Kristal Lahane Raihun.

Komisáriu KFP ba asuntu disiplinar, Agapito da Conceição liu husi nia diskursu hato’o ba partisipantes katak, liu husi diseminasaun ida ne’e atu hatene dever no direitu ida-idak nian maibé, atu kumpri dever nu’udar funsionáriu nia hala’o ho disiplina no étika kona-ba, direitu ne’e Estadu ne’ebé diretamente rekoñese atu fó, maibé dahuluk kumpri lai dever obrigasaun funsionáriu nia foin simu o nia direitu.

Komisáriu KFP ne’e sita mós katak, iha konstituisaun RDTL Administrasaun Públika nia objetivu atu buka tuir interese públiku hodi respeitu ba direitu no interese legitimu sidadaun nian no Instituisan konstitusionalmente  konsagra ona. Tuir prinsipiu Administrasaun Públika  hamosu prinsípiu Funsaun Públika inklui onestidade no integridade ba funsionáriu sira tenke hametin onestidade ho étika, ida ne’e nu’udar knár prinsipal funsionárius públika nia atu garate integridade Funsaun Públika.

Iha planu estratejika KFP nian atu kontribui ba aktividade promosaun no integridade ida ne’e bazeia ba pilar rua, hanesan prevensaun no represaun ba korupsaun, esplika Komisáriu.

Iha diskursu Ministru Ensinu Superior Siensia no Kultura, José Honório da Costa Pereira Geronimo hateten, planu sei ko’alia ho Komisaun Funsaun Públika atu loke konkursu ba sira nia funsionárius Agentes Administrasaun Públika, tanba maioria mak funsionárius Agentes, funsionarius permanentes tolu nulu resin de’it, iha Ministeriu tomak ne’e mak Ministru ho nia Estrutura hakarak oinsá atu dudu Agentes sira ba permanentes. Tanba balun tinan sanulu resin iha Agente Administrasaun Públika hatene ona lalaok Administrasaun maibé, tinan lima oin mai seluk ukun fali dala ruma hasai hotu sira ne’e la justu, tanba iha Lei Timor Oan hot-hotu iha direitu atu servisu iha Administrasaun Públika.

Partisipantes iha diseminasaun hamutuk Ema nain 150 kompostu husi feto 75 no mane 75 mai husi Agentes Administrasaun Públika, no funsionárius permanente balun.