Comissão da Função Pública

Segunda-Feira, 3 Juñu 2019 – Komisaun Funsaun Públika hala’ o isar bandeira ne’ebé organiza husi Unidade Planu Peskija Funsaun Públika, iha resintu KFP, Matadouro, Dili. No Inspetor ba serimonia isar bandeira mak Prezidente Komisaun Funsaun Públika, Faustino Cardoso Gomes.

Iha Prezidente KFP nia diskursu fó hanoin ba Diresaun sira tenki sensivel ba ezekusaun planu anual KFP nian, no oinsa atu ezekuta ho diak no kualidade ba orsamentu 2019 ninian. Sistema oras ne’e oin seluk ona ba planu asaun anual ligadu direta ho orsaementu tuir atividade no responsavel ba diresaun ida-idak ninian, tanba ne’e mak husu ba diresaun sira atu oinsa apresa, hala’o ezekusaun planu asaun ne’e ho atempadamente hodi nune’e la fó risku ba programa sira ne’ebé mak define tiha ona tuir planu asaun anual.

“Dala ida tan husu ba dirijentes nivel diresaun ida-idak ninian atu oinsa mak bele halo relatoriu ezekusaun ne’ebé mak la’o tiha ona no ao mezmu tempu halo planu asaun ne’ebé mak tuir mai tuir responsabilidade ida-idak ninian tuir responsabilidade diresaun ida-idak ninian, no husu atu servisu hamutuk atu labele fó risku ba orsamentu 2019, maibé ho sensivel no kualidade”, dehan Prezidente KFP, Faustino Cardoso Gomes iha serimonia isar bandeira ba loron ne’e.

Faustino Cardoso alerta dala ida tan ba diresaun sira liga ho programa loron nasional Funsaun Públika iha ona mós kopa Funsaun Públika, husu atu partisipa hodi hamosu ambiente ida ne’ebé komemora loron nasional Funsaun Públika, maibé servisu sira ne’ebé  mak iha labele afetadu ho servisu sira ne’ebé mak iha no atendimentu kontinua no labele afeta mós ba risku ezekusaun orsamentu ninian no kona-ba promosaun nian, ba sira ne’ebé mak responsavél ba ekipa sira ne’e presija pro ativu ba atividade sira ne’ebé mak nesesariu liga ho loron nasional Funsaun Públika, liu-liu ba mós preparativus ba promosaun nian liga ho verifikasaun sira, kondisoens, rekezitus sira ne’ebé mak iha oinsa atu tama ba prosesu implementasaun promosaun ninian.