Comissão da Função Pública

Dia 16 de Junho de 2023, Komisaria Maria de Jesus Sarmento reprezenta Komisaun Funsaun Públika partisipa iha serimonia Despedida membru Polisia Nasional Timor Leste-PNTL 158 ne’ebe tama ona ba idade reforma, iha Sentru Formasaun PNTL Comoro Dili.

Komandante Geral Komisario PNTL Henriqui da Costa hateten, Polisia Nasional Timor Leste-PNTL, marka tan nia istoria foun ida, tamba foin ba dahuluk, hala’o Ceremonia  Despedida ba membru Polisia Reformadu 158, ne’ebe mak sei husik hela Instituisaun PNTL iha fulan oin hodi fila ba vida sivil, maske ema tama no sai servisu husi Instituisaun privadu no Estadu, hanesan akontesementu ida ne’ebe Normal.

Iha PNTL, Iha regras sira hotu kona ba prosesu regresu ba iha PNTL ne’ebe aprova iha tinan 8 liu ba kotuk, maibe hanesan Institutu pesoal PNTL nian, liu tiha tinan 23 maka foin implementa, halo membru PNTL barak hein hela prosesu atu bele fila ba vida sivil.

Tuir Estatutu PNTL dekretu lei no 69/2022 arigu 128 sita katak ofisial PNTL nebe pasangen ba prosentasaun mak sira ne’ebe to’o ona tinan 60, julgadu katak fisikamente no psikologikamente labele ona atu ezerse sira nia funsaun iha PNTL hanesan lei haruka, lista refere ofisial responsavel ba gestun rekursus humanus tinan –tinan to’o 30 de Novembru tenke apresenta ba komandante geral obrigaturiamente hodi Publika iha Jornal da Republika.

Nune’e mos representante Primeiru Ministru  Fidelis Manuel Leite Mangalhaes iha nia diskursu  informa katak, liu husi opurtunidade ne’e aproveita fo onra ba memrus hotu Intituisaun PNTL nian, ne’ebe mak liu ona ba mundu seluk durante hala’o sira nia misaun, desde hari Instituisaun PNTL to’o ohin loron, ho esperansa katak Nai maromak bele haraik kadunan santu nian ba sira. Fiar katak ho sira nia orasaun mos atu kontinua fo tulun ba rai ida ne’e, atu misaun lulik ba ukun rasik aan ne’ebe mak luta nain sira atinji ona, bele dezenvolve ho diak liu tan. Partisipa iha Ceremonia desopedida Reforma  Membru PNTL, mak hanesan Jeneral  Falur ratelaek, Ministru Presidensia do Konselho ministru Fidelis mangalae, Vise Ministru Interior, Komisario Komandante Geral PNTL Henrique da Costa, Segundo Komisario PNTL Pedro Belo, seckretaio Protesaun Civil Joaquim Gusmao, Komandante Munisipio Dili  Diretur geral, Xefi Departementu Intiuisaun PNTL no korpu diplomatic iha PNTL, no Formadu sira  husi Munisipio 13 tolu inclui RAEOA.