Comissão da Função Pública

Prezidente Komisaun Funsaun Publika partisipa iha serimonia entrega relatoriu husi Instituisaun walu (8) mak hanesan Ministeriu Prezidensia Konsellu Ministrus, Ministeriu Agrikultura no Peskas, Ministeriu Edukasaun, Ministeriu Finansas, Ministeriu Negosiu Estrangeiru no Koperasaun, Ministeriu Interior, Ministeriu Defeza, Ministeriu Administrasaun Estatal no inklui mos relatoriu husi Ministeriu Justisa nian no lansa retratu VI Governu Konstitusional.
Intervensaun husi Ministru Estadu Kordenador Assuntu Justisa no Ministru Administaun Estatal alende koalia kona-ba servisus munisipais, informa mos kona-ba Reforma iha Administrasaun Publika no fortalesimentu institusional, organizasaun ba selebrasoens nasionais sira iha VI governu konstitusional.
S.E Primeiru Minstru nia mensajem iha serimonia ne’e husu oinsa atu mellora diak liu tan servisus publikus, hanesan iha área ekonomika, sosial, saúde, edukasaun, agrikultura, infraestrutura iha areas rurais no areas urbanas, no mos parte Reformas nian, iha área reforma fiskal, reforma administrasaun publika, reforma legislativa no reforma justisa nian. Informa mos ba governu foun hodi kontinua tau prioridade ba programa ne’ebe implementa ona hodi kontinua la’o diak iha futuru. Iha rekomendasoens lubuk ida ne’ebe hato’o husi S.E Primeiru Ministru Rui Maria de Araújo iha nia diskursu.
Iha serimonia ne’e hala’o iha salaun MNEC, Sesta-feira, 4 Jullu 2017 ho partisipasaun husi Membru Governu, Diplomatas, Ajensias Nasionais No Internasionais, Sosiedade Sivil, Reitores Universidades no Diretores Jerais sira.