Comissão da Função Pública

Domingo loron 20 fulan agustu tinan 2023 Presidente Komisaun Funsaun Públika Faustino Cardoso Gomes no Komisariu Fausto Freitas da Silva Liurai-Taci partisipa iha serimónia aniversáriu Forças Armadas de Libertação Nacional de Timor-Leste-Forças de Defesa de Timor-Leste-FALINTIL-FDTL dala 48 ho Tema “Comemorar o esforço da luta pela Consolidação da Identidade e Nacionalismo do Povo.

Inspetor serimonia Aniversariu FALINTIL-FDTL nian ne’e Presidente Parlamentu Nasional Maria Fernanda Lay iha nia diskursu husu ba membro FALITIL-FDTL sira atu kontinua banati tuir Gerrileiro sira nia prinisipiu luta ba libertasaun Nasional no papel importante FALINTIL-FDTL nian ba prosesu desenvolvimentu Nasional.

Maria Fernanda Lay sublina liu tan katak, iha mundo globlizasaun tenki hafoun bei beik knar FALINTL-FDTL hodi asegura seguranca soberania Timor Leste nian no estabelese Politika integradu hodi desenvolve forca defesa liu husi formasaun oi oin no kria kondisaun atu hakbesik’an liu ba povo, hodi hare ba problema social nebe povo  infrenta.     

 Iha Sorin seluk, Xefe Estado-Maior General das FALINTIL-FDTL Tente-General Domingos Raul Falur Rate Laek iha nia diskursu senti kontenti ho presenca Presidente Parlamentu Nasional Maria Fernande Lay nudar feto premeiru nebe preside serimónia aniversário loron Falintil nian ba dala 48, orgullu boot ba Instituisaun FALINTIL-FDTL.

Komandante ne’e hatutan tan katak, Presidente Parlamentu nia presensa nudar  sinal pozitivu ida ba evolusaun   Timor Leste nian hahu luta ba indepdensia no liberdade Nasional nebe loke odamatan ba oportunidade hanesan ba ema feto no mane, hodi estabelese sosiadade ida nebe justo, livre, inklusivu, iha nebe tenki halakon kualker fator operasaun ka limitasaun ba dezenvolvimentu povo.

Iha ambiu komemorasaun loron FALINTL-FDTL nian ba dala 48 ne’e, halo mos promosaun deviza ba membro Força Defesa nain 13 ho deviza tente koronel ba koronel, kapitaun ba maijor, alferes ba tenente, premeiru sargentu ba sub tenente, sargentu ba alferes, soldadu ba alferes no Segundo sargentu ba premeiru sargentu, kompostu husi unidade Polisia Militar, komponnte terestre, Aero, Naval no centru formasaun Presidente Nicolao Lobato.

 Entretantu, Estudantes hadomi Natereza husi Universidade Nasional Timor Lorosae-UNTL halao mos jornada lao ain husi Munisipio Bobonaro mai kapital Dili, hahu husi loron 10 to’o loron 20 fulan Agostu 2023 hodi komemora loron FALINTIL-FDTL ba dala 48 tinan 2023.

Marka presenca iha serimónia aniversáriu ne’e, Presidente Tribunal Rekursu, membro parlamentu Nasional, membro Governo, veteranos, reprezentante militar husi Nasaun Indonesia, Esatdos Unidos Amerika, Cina, Portugal, Australia, New Zelandia, Brazil, Corpu Diplomatiku, Agensia Internasional no Nasional, lider komunitario balun iha munisipio Dili.