Comissão da Função Pública

Komisáriu Komisaun Funsaun Públika, Agapito da Conceição hamutuk ho Vise-Primeiru-Ministru, Ministru Koordenador ba Asuntus Ekonómikus no Ministru Turizmu no Ambiente, Francisco Kalbuadi Lay no Sekretariu Estadu SEFOPE partisipa iha serimónia atribuisaun sertifikasaun lisensiamentu operasional, akrediasaun institusional no akreditasaun programátiku ba fornesedor formasaun professional ne’ebé organiza husi Instituto Nacional do Desenvolvimento Mão de Obra (INDMO) iha kinta-feira, (11/07/2024) iha salaun Ministériu Finansas Aitarak-Laran, Díli.

Iha introdusaun husi Diretora INDMO, ksolok boot no onra boot halibur hamutuk ih ne’e atu fó kresimentu ba sentru formasaun avaliasaun nasional sira susesu di’ak tebes, nune’e mós ba formador ne’ebé dedikadu ba servisu ho laran atu asegura padraun edukasaun kualidade aas liu ba sentru sira ne’ebé mak simu atribuisaun sertifikadu  kona-ba lisensa oprasional, sertifikadu aseitasaun sessional akreditasaun otomátika ba prosesu ne’ebé naruk tebes husi avaliador Timor oan sira ne’ebé mak koñese internasionalmente husi Komisaun Sertifikasaun Asia Pasífika durante ne’e tama hanesan avaliador Internasional. Ba avaliasaun ne’ebé halo ho rigorozu tuir implementasaun manual ne’ebé mak lansa iha 2023.

Nune’e iha Sekretariu Estadu SEFOPE ninia diskursu husu atu garante formasaun ida kualidade, kualifikada no prepara mão de obra  ne’ebé di’ak ba foinsa’e sira ne’ebé mak buka servisu.

INDIMO nu’udar Instituisaun Estadu ne’ebé mak sertifika mão de obra iha Timor-Leste inklui fasilita lisensa operasional fó akreditasaun ba sentru formasaun sira ba mos formadores sira ne’ebe mak ohin  iha ona fatin ida ne’e  fiar katak iha futuru oin mai centru formasaun sira ne’ebe mak ohin hetan ona licence operasional iha area ida  maibe balu ohin simu iha area rua ka tolu  maibe iha futuru bele hetan mos licensa sira ne’ebe mak iha área barak, kustu sira ne’ebé mak apoiu ba sentru formasaun sira, tanba  ne’e prepara kondisoens liliu ba joven feto no mane sira atu tuir formasaun ruma, nune’e SEFOPE servisu hamutuk ho INDMO atu garante kualidade formasaun hodi hatan ba merkadu traballu rai laran no mós rai liur, dehan Sekretariu  Estadu SEFOPE.

Iha atividade sertifikasaun ne’e atribuisaun sertifikadu no kartaun direta husi Vise PM – I no Komisáriu KFP ba sentru formasaun sira.