Comissão da Função Pública

10 Outubru 2023, Komisária Maria de Jesus Sarmento hamutuk ho ekipa traballu Boa Governasaun no Sentru  Estudus ba Dame no Dezenvolvimentu (CEPAD) audiensia ho Ministra Edukasaun, Dulce de Jesus Soares ho nia Diretores sira iha Vila verde Dili, hodi entrega livru Matadalan ba Mestre sira atu hakbiit koñesimentu estudantes sira hodi kontribui, prevene, kombate korupsaun, liu husi asaun: onestidade, responsabilidade, disiplina no integridade.

Ekipa traballu ho CEPAD antes ne’e hasoru malu ona ho Governu anterior ho Ministru Edukasaun Armindo Maia ko’alia ona asuntu ne’e no iha IX Governu ne’e CEPAD hakarak kontinua hakbesik ba Ministra Edukasaun hodi informa detallu kona-ba atividade ne’ebé durante ne’e halo liga ho matadalan ne’ebé ekipa traballu produz informasaun liga ho eskola ne’ebé antes ne’e foti ona informasaun ba eskola SACROJES Becora no eskola São Pedro Comoro, nu’udar inisiativa projetu pilotu ba atividade ne’e ho razaun ida katak, atu hatoman estudantes sira ho valores ne’ebé positiva bele hakiak sira iha eskola laran ho disiplina, transparensia, responsabilidade, onestidade no integridade ba valores sira ne’e mak CEPAD hamutuk ekipa traballu foti hodi sai hanesan valor ba eskola no estudante sira.

Alende ne’e husu atu Ministériu Edukasaun loke dalan ba ekipa traballu no CEPAD atu penetra ba Eskola Públiku ka Governu nian hodi la’o hamutuk ho Membrus Grupus Trabalhu Nasional ninian no Igreja Katólika inklui Governu nian ne’ebé kobre ona ba estudantes besik 10 mil ital husi Universidade 5 no Ensinu Sekundaria 18 iha Munisipiu 10 no husu atu integra mós materia anti korupsaun ba iha kuríkulu nasionál ba iha ensinu sekundária iha teritoriu tomak.