Ba ultimu jornada la’o tuir ain fatin relasiona ho komemorasaun Loron Nasional Funsaun Públika ba Dawalu ne’ebé realiza ona iha 15 Jullu 2022, maibé atividade programa jornada mak seidauk realiza tanba kestaun iklima no monumentu iha Ermori sei iha prosesu planu konstrusaun.
Nune’e, Komisaun Funsaun Públika husu Institutu Jestaun Ekipamentus hodi loke dalan hodi bele asesu ba Ermori.
Tanba ne’e, Prezidente no Komisárius Komisaun Funsaun Públika hala’o enkontru ho Prezidente Institutu Jestaun Ekipamentus (IGE sigla portugéz) hamutuk ho ekipa tékniku husi Centro Nacional Chega (CNC sigla portugéz) no Ministériu Turizmu Komérsiu no Industria (MTKI) hodi ko’alia kona-ba planu jormada la’o tuir ain fatin ba ultimu jornada saudozu Nicolao dos Reis Lobato.
Objetivu enkontru ne’e, KFP konvida IGE hodi husu apoia loke dalan ba Ermori hodi fasilita ba konstrusaun monumentu Prezidensia Repúblika Ermori iha tempu rezistensia baze apoiu nian.
Iha enkontru ne’e KFP husu ba parte IGE tenta haree took oinsá atu loke dalan ne’ebé mak mais ou menuz husi aldeia hodi to’u Ermori kuaze kilometru 5. Alende ne’e rona mós husi CNC ba dezeñu monumentu ne’ebé preparadu ona no ba MTCI nian liga ho sira nia planu programa ba turizmu komunitáriu.
IGE nia parte sei apoia maibé fasilita mós insentivu sira balun ba ekipa téknika ba loke dalan ne’ebé mak konsidera urjente, tanba antes ne’e IGE iha ona planu ezistente ba fatin seluk ne’ebé la’o hela, CNC no MTKI halo aprezentasaun ba dezeñu no kompania ne’ebé mak sei halo kontrusaun ba monumentu iha Ermori.
Enkontru ne’e hala’o iha KFP iha loron sesta feira, (22/07/2022).
Prezidente Komisaun Reguladora Arte Marsiais (CRAM) audiensia ho Prezidente no Komisárius Komisaun Funsaun Públika hodi…
Ekipa ida husi Komisaun Funsaun Públika hamutuk ho INAP partisipa iha Sesaun ba dala-23 Komisaun…
Kinta-feira -25/4/2024- Prezidente Komisaun Funsaun Públika, Agostinho Letêncio de deus, Komisáriu José Telo Soares Cristovão…
24 Abríl 2024, Prezidente Interinu Komisáriu ba asuntu Pensaun no Reforma Komisaun Funsaun Públika, Fausto…
Dili, 17 Abril 2024 – Diretór Nasional Planeamentu Kuadru Pesoal Funsaun Públika (DNPKPFP-KFP) no Diretór…
Komisaun Funsaun Públika sei la haree se mak manán no se mak lakon iha prosesu…