Comissão da Função Pública

Segunda-feira, 13 Maiu 2019 – Prezidente no Komisarius Komisaun Funsaun Públika akompaña Sekretaria Ezekutiva no Diretores SKFP hodi halo aprezentasaun relatoriu anual KFP tinan 2018 iha plenaria Parlamentu.

Aprezentasaun relatoriu anual 2018 ne’e Prezidente KFP esplika  kona-ba relatoriu KFP hamutuk ekzemplar 70 ne’ebé entrega ba Parlamentu Nasional inisiu fulan maiu no objetivu no programa prioridades II mandatu Komisaun Funsaun Públika nian ne’e mak ezekuta ona no balun sei iha prosesu implementasaun, hanesan dekretus leis no orientasoens lubuk ida mak komisaun produs, dadus formasaun, disiplinares, dadus Forsa Traballu kompozisaun Funsionarious feto no mane, liga ho jestaun rekursus umanus, planu asaun anual hodi asegura implementasaun orsamentu Geral Estadu, no asegura sistema Administrasaun ida efisiensia no efikasia iha Timor-Leste.

Durante Plenaria Membru Parlamentu Nasional kestiona kona-ba avaliasaun desempeñu ne’ebé maioria Funsionariu sira muito bom, maibé atendimentu seidauk másimu. No kestoens seluk mak ein substituisaun ba kargu diresaun no  xefia ne’ebé sei maioria desizaun polítika, prosesu kazus disiplinar ba funsionariu sira, liga ho jestaun rekursus umanus ba profesores iha Munisipiu no rejiaunn Oecuse-RAEOA, reforma funsionariu sira 60 anos, implementasaun polítika seguransa sosial no edifisiu KFP.

Hatan ba preokupasaun hirak ne’e Prezidente KFP no Komisariu sira hateten,   durante ne’e kada ministeriu no sekretariu estadu rasik maka halo rasik avaliasaun ba funsionariu no Komisaun simu deit rezultadu avaliasaun, kazu assédiu seksual iha funsaun públika KFP servisu hamutuk UN WOMAN no agensia Juridiku Sosial (JU’S) hodi halo prevensaun.  Kona-ba prosesu disiplinar Komisaun halo mós akordu ho Ministeriu Públiku, KAK no PDHJ no konsege foti desizaun administrativa ba funsionariu no depende ba infrasaun kazu, tuir kategoria kazu todan no prosesu kriminal sei liu Tribunal, ein substituisaun ba kargu diresaun no  xefia desizaun mai husi institisaun sira ida-idak no KFP haree tuir duni regras, prosedimentus no dekretu lei 25/2016 kona-ba rejime kargu diresaun no xefia  iha artigu balun kona-ba sesasaun eventual no sesasaun automatika.

KFP mós kontinua disemina informasaun ba ministeriu sira kona-ba polítika implementa selesaun pur méritu ba kargu diresaun no xefia sira, enkuantu ba problema rekursu umanus ne’bé akontese iha Munisipiu no rejiaun Oecusse-RAEOA sei kontinua halo koordenasaun ho ministeriu relevantes no autoridade RAEOA. No KFP mós kontinua hala’o programa formasaun no fahe informasaun liu husi diseminasaun liga ho regras no prosedimentu funsaun públika nian, direitus no deveres liga ho servisu funsionariu nian hodi mellora servisu administrasaun ne’ebé diak tan iha futuru.