Comissão da Função Pública

Prezidente, Komisarius Komisaun Funsaun Públika, Sekretáriu Ezekutivu akompana husi diretor sira audiensia ho Komisaun A Asuntu Konstitusionais no Justisa – Parlamentu Nasional hodi aprezenta proposta Orsamentu Jeral Estadu (OJE) 2020 KFP nian, iha (24/09/2020).

“KFP hetan audiensia ho Komisaun A PN iha 2020 orsamentu ne’ebé mak KFP iha sei bazeia ba orsamentu 2019 nian, ho total 2,240, 244 orsamentu KFP nian. KFP konsege ezekuta osan 66% ne’ebé hela 34% hela ba fulan tolu nia laran, Komisaun kompremetidu bele ezekuta osan restu ne’ebé mak iha, Komisaun la iha adisional ba orsamentu 2020 nian, simu pakote bazeia ba 2019 nian nafatin,” hateten, Prezidente Komisaun Funsaun Públika Faustino Cardoso Gomes hafoin audiênsia ho Komisaun A-PN.

Orsamentu ne’e, Komisaun nia programa responde ba áreas programas prinsipais tolu, iha nia sub programa walu (8) ho atividade 23, klaru katak, balun hala’o ona no balun seidauk, tanba ne’e osan restu ne’ebé mak iha sei responde ba planu prioridade sira seluk iha saláriu vensimentu, bens servisus la iha tan rubrika sira seluk, mak rua ne’e deit.

“Ba salariu vensimentu konsege ezekuta ona 60 ital pursentu, Komisaun nia bens servisu ladun ezekuta, tanba razaun sira hirak ida, tanba duodesimu nia implikasaun dala balun prosesu rekrutamentu la la’o tuir tempu, hanesan profisional senior nia prosesu ne’ebé seidauk ho tempu lais, no foin finaliza iha fulan Agostu nia laran no bele simu formalizasaun iha fulan Setembru nia laran. No razaun seluk mak ajustamentu saláriu ba funsionáriu sira ne’ebé mak iha KFP nian liu-liu ba sira ne’ebé mak hetan promosaun bazeia ba teste iha tinan kotuk nian, sira seidauk simu pagamentu desde fulan Janeiru to’o agora, tanba duodesimu la permite no mós servisu ekstraordinaria sira duodesimu la permite ba pagamentu, nune’e mós ba planu formasaun ida ne’e ninia implikasaun ba mós ezekusaun orsamentu, tanba situasaun COVID-19, situasaun emerjensia ho protokolu husi OMS ne’ebé difikulta hodi ezekuta atempadamente, ne’ebé mak kompara ho ezekusaun kiik liu kompara ho ezekusaun saláriu ho verba saláriu vensimentu,” esplika Prezidente KFP.

KFP sei hakas an atu ezekuta tuir planu asaun anual ne’ebé mak iha ho maneira hala’o atividade sira ne’ebé mak hatur ona tuir situasaun sub programa no programa ida-idak ninian.