25 Jullu 2022, Prezidente no Komisárius Komisaun Funsaun Públika audiensia ho Primeiru Ministru hodi halo atualizasaun servisu liga ho Funsaun Públika, iha rezidensia Primeiru Ministru iha Farol, Díli.
Ba dahuluk KFP hato’o relatóriu anual KFP 2021 nian, atualiza kona-ba kestaun forsa traballu iha Funsaun Públika, ne’ebé mak oras ne’e forsa traballu aumenta ba beibeik hamutukl 35,900 ital, se ita konta ho PNTL, F-FDTL no kazuais sira hamutuk rihun 54 ital. KFP akonsella Primeiru Ministru atu haree situasaun ba harmonizasaun estutura salarial iha nivel administrasaun direta no indireta sira, promosaun ba funsionárius públikus sira ba tinan ne’ebé mak iha rihun 7 resin mak tuir no sei promovidus hamutuk 868.
Alende ne’e atualiza mós servisus kona-ba inspetoria no auditoria ninian, kestaun efikasia servisu sira oinsá mak kestaun kontrolu internu bele la’o ho di’ak, atu asegura boa governasaun no kumprimentu ba regra sira.
Hato’o mós ba Primeiru Ministru kona-ba tutela administrativa ba situasaun RAEOA no instituisaun indireta sira, implementasaun polítika boa governasaun nian ne’ebé mak liu husi akordu kuadrilateral entre KAK, IJE no PDHJ, haree mós ba jestaun frota hamutuk ho patrimoniu Estadu ninian ba kumprimentu estasionamentu kareta Estadu atu oinsá evita uzus indevidus ba Estadu nian. Nune’e KFP hatoo mós kona-ba rejime kontratasaun atu Estadu no Governu haree polítika sistema kontratasaun hanesan ba ema hotu, tanba Timor seidauk iha regra ba kontratasaun,polítika reesturutrasaun no realokasaun, kargus dirijentes iha Funsaun Públika nian.
Primeiru Ministru orienta KFP ba polítika governu no reforma administrasaun públika hodi suporta rekursu umanus ne’ebé efisiente no dezenvolvimentu umanu ba suporta dezemvolvimentu ekonomia, sosial, rekursu naturais ne’ebé iha. No ezije oinsá atu tau atensaun makás ba separasaun polítika no labele iha interferensia polítikas ba servisus téknikus sira nian iha Funsaun Públika.
Prezidente Komisaun Reguladora Arte Marsiais (CRAM) audiensia ho Prezidente no Komisárius Komisaun Funsaun Públika hodi…
Ekipa ida husi Komisaun Funsaun Públika hamutuk ho INAP partisipa iha Sesaun ba dala-23 Komisaun…
Kinta-feira -25/4/2024- Prezidente Komisaun Funsaun Públika, Agostinho Letêncio de deus, Komisáriu José Telo Soares Cristovão…
24 Abríl 2024, Prezidente Interinu Komisáriu ba asuntu Pensaun no Reforma Komisaun Funsaun Públika, Fausto…
Dili, 17 Abril 2024 – Diretór Nasional Planeamentu Kuadru Pesoal Funsaun Públika (DNPKPFP-KFP) no Diretór…
Komisaun Funsaun Públika sei la haree se mak manán no se mak lakon iha prosesu…