Kuarta-feira, 24 Abril 2019 – Komisaun Funsaun Públika organiza enkontru ida ho nivel inspetor no auditores sira husi instituisaun estadu hotu-hotu hamutuk ho ekipa tekniku Camara de Contas hodi halo aprezentasaun relasiona ho servisu avaliasaun no kontrolu ba programa no orsamentu jeral estadu nian.
Enkontru ne’e buka oinsa fahe koñesimentu no esperensia ba malu kona-ba fiskalizasaun, inspesaun, auditoria interna no externa nia segimentu no implikasaun legal no juridika no sansaun saida no iha ambitu atu hadia boa governasaun atu hamutuk hodi hadia jestaun estadu no kontas estadu nian, dehan Prezidente KFP hafoin enkontru iha salaun Aikurus Binani – KFP, Matadouro, Dili.
“Ita nia Estadu iha tiha ona sistema kontrolu, sistema ne’e ida mak kontrolu internal prezensa husi inspetores no auditores sira iha nivel ministeriu ida-idak ninian no kontrolu external ho prezensa husi Camara de Contas, bazeia ba lei nú. 9/2011 nian,” dehan Prezidente KFP, Faustino Cardoso Gomes.
Sistema ne’e funsiona hela no husi tinan ba tinan sempre iha melloramentu, hanesan Camara de Contas aprezenta, wainhira iha orsamentu liu 5 milloes tenki aprezenta ba Camara de Contas hodi halo fiskalizasaun uluk lai mak hafoin implementa, idfa ne’e sistema. Atu implementa oinsa, ida ne’e fila hikas ba instituisaun ida-idak ninian kapasidade tuir ema nebe implementa no tuir kapasidade, tuir planu, se la iha planu ne’e mal jestaun.
Camara de Contas mos alerta ba hotu-hotu katak, tenki iha planu diak, saida mak atu hala’o no tenki iha orsamentu no planu reseitas ho mekanizmu saida tenki fila hikas lai ba kofre estadu mak foin ezekuta tuir planu ne’ebé mak iha, atu evita mal jestaun no frakeza sira ne’e mak iha administrasaun públika.
Desde kriasaun Camara de Contas iha 2011 nia halo ona auditoria ba instituisaun 19, inklui edifisiu KFP ida ne’e progresu ne’ebé Camara de Contas hatudu no sira mós esplika katak, husi auditoria sira ne’e mak halo rekomendasaun. Rekomendasaun sira mos akompaña durante fulan neen nia laran, nia dever atu akompaña husu servisu hamutuk atu hadia jestaun ba estadu ida no implikasaun krime sira ne’e Minisériu Públiku nia kompeténsia tuir lei ne’ebé mak iha hodi haree.
Enkontru ne’e partisipa mós brigaderu jeral F-FDTL, Inspetor Jeral PNTL, inspetores no auditores sira husi instituisaun estadu sira hotu.
DÍLI, 31 Jullu 2026 – Prezidente Konsellu Administrasaun Banku Nasionál Komérsiu Timor-Leste (BNCTL), Januário da…
Segunda-feira, 13 Jullu 2026 - Komisaun Funsaun Públika no Ministériu Defeza fo tomada pose ba…
Komisaun Funsaun Públika hamutuk ho Ministériu Agrikultura Pekuaria Peska no Floresta fo tomada pose ba…
Tersa-feira, 07 Jullu 2026 - Prezidente Komisaun Funsaun Públika (KFP), Agostinho Letêncio de Deus no…
MANATUTO - Ekipa integradu husi liña Ministeriais no Instituisaun Estadu sira hanesan, Komisaun Funsaun Públika-KFP,…
Prezidente, Komisárius hamutuk Sekretariadu Komisaun Funsaun Públika organiza enkontru konvokatóriu ho direjentes no kargus xefias…