11/08/2022, Komisáriu Komisaun Funsaun Públika portfóliu Planeametu Forsa Traballu, Avaliasaun Dezempeñu, Formasaun no Dezenvolvimentu, António Freitas husu ba Diretor Edukasaun rejional Oe-cusse atu fó atensaun ba prosesu transferensia professores husi eskola ida ba eskola seluk hodi bele asegura kualidade edukasaun iha futuru.
Komisáriu António Freitas bolu atensaun ne’e bainhira halo vizita traballu ba eskola Tekniku Vokasional Palaban-Oe-cusse hodi halo enkontru ho professores sira hodi rona problema no preokupasaun professores balun ho espesialidade biologia maibé, tranfere husi eskolar seluk mai hanorin fali materia komersiu iha eskola Tékniku Vokasional.
Haree ba preokupasaun hirak ne’e KFP la konkorda no husu ba diretor no sekretáriu rejional Edukasaun RAEOA atu fó atensaun másimu hodi halo levantamentu ba prosesu transferensia atu koloka professores sira tuir área espesialidade iha kada eskola hodi bele asegura kualidade edukasaun estudantes sira nian ba futuru.
Kona-ba professores kontratadu ba permanentes Komisáriu António Freitas esplika, bainhira lei organiku RAEOA nian Konsellu Ministru aprova ona, ekipa ida husi KFP sei ba apoiu RAEOA hodi halo diskusaun ba Mapa pessoal forsa traballu kargu diresaun xefia iha RAEOA maibé, importante maka hatama iha planu orsamentu, inklui halo armonizasaun ba sistema pagamentu retroativu ba professores sira.
DÍLI – Prezidente no Komisárius Komisaun Funsaun Públika (KFP), ne’ebé akompaña husi Sekretária Ezekutiva, hala’o…
07 Abríl 2026, Vizita Primeiru-Ministru Kay Rala Xanana Gusmão mai KFP hodi konfirma pagamentu ba…
DILI – Komisaun Funsaun Públika (KFP) hamutuk ho Institutu Nasionál Seguransa Sosiál (INSS) foti pasu…
DILI, 26 Marsu 2026 – Komisáriu Komisaun Funsaun Públika (KFP) ba asuntu Planeamentu Forsa Traballu,…
DILI, 25 Marsu 2026 – Prezidente Komisaun Funsaun Públika (KFP), Agostinho Letêncio de Deus, hamutuk…
DILI – Komisaun Funsaun Públika (KFP) foti ona desizaun ba kazu alegasaun asédiu seksual ne’ebé…