Comissão da Função Pública

Tersa-feira, 27/05/2025, Komisáriu protefóliu planeamentu forsa traballu, José Telo Soares Cristovão sai orador iha iha Podcast Universidade Dili (UNDIL) hodi diskuti kona-ba preparasaun rekursu umanus iha polítika desentralizasaun.

Tuir Orador Komisaun Nasionál Eleisoens, Evangelino de Jesus Fatima hateten, xave importante ida atu implementa polítika desentralizasaun mak preparasaun rekursus umanus no funsionamentu funsaun públiku nian.

“Desentralizasaun hanesan distribuisaun poder administrativa husi governu sentral ba governu lokal, xave importante ida atu implementa desentralizasaun ne’e mak preparasaun rekursus umanus. Tanba ne’e funsionamentu servisu Funsaun Públika nian mós to’o iha ne’ebá, sei haree didiak baze distribuisaun tolu (3), ida mak lei ba poder lokal ba divizaun administrasaun teritorial, eleisaun munisipal ba distribuisaunn poder lokal ne’ebé la’o hela, maski eleisaun munisipal seidauk la’o maibé, pre kondisaun  ne’ebé governu prepara no la’o hela’’, hateten Nia.

Iha diskusaun ne’e Komisariu José Telo esplika, Komisaunn Funsaun Públika nia preparasaun atu simu polítika desentralizasaun mak hanesan rekrutamentu ba funsionárius tuir méritu no hahú delega servisu KFP nian hodi simu desentralizasaun.

“Komisaun Funsaun Públika mai ho nia papel baze ba estatutu lei numeru 7/2002 15 jullu primeiru ko’alia kona-ba, rekrutamentu por méritu, jestaun no dezenvolve estratejia jestaun planeamentu forsa traballu. Preparasaun KFP ba polítika desentralizasaun no distribuisaun poder ba governu lokal, Ami delega ona. Ami nia servisu barak no iha hela faze elaborasaun estrutura organika KFP hodi aposta oinsá iha munisípiu sira la presiza atu halo de’it kartaun mós tenki mai Dili, entaun KFP mai ho hanoin atu desentraliza ona ami nia diresaun regional iha tinan ida ne’e, tau ona osan, preparadu atu simu polítika desentralizasaun ninian”, esplika Komisáriu iha diskusaun podcast iha UNDIL.

Nia hatutan, desentralizasaun atu la’o di’ak presiza prepara rekursus umanus, fasilita formasaun atu kapasita funsionariu sira tanba, funsionariu sira sai hanesan autor prinsipal atu asegura polítika desentralizasaun.

“Desentralizasaun atu la’o, rekrutamentu karik presiza haree ba nesesidade instituisaun ninian, labele halo rekrutamentu arbiru de’it tanba ne’e, preparasaun Funsaun Públiku ninian ida mak aposta ba preparasaun rekursus umanus, atu simu polítika desentralizasaun. Liña ministeriais presiza analize ba nesesidade formasaun ne’ebé permanente ba nesesidade funsionariu nian tanba, sai autor atu asegura polítika desentralizasaun ne’e funsionariu públiku sira. KFP preparadu atu apoiu polítika desentralizasaun liu husi formasaun ba funsionariu sira’’ hatutan Komisáriu.

Nia sujere mós parte relevantes importante mak planu hala’o servisu hamutuk, no autoridade agora mak sai save atu dudu desentralizasaun ne’e la’o, nune’e mós formasaun ka rekrutamentu sira ba funsionariu públiku sira ne’e aposta ba nesesidade instituisaun nian.