Comissão da Função Pública

Dili, 28 Maiu 2019 – Komisaria Komisaun Funsaun Públika, Maria Domingas Fernandes Alves ho Sekretaria Ezekutiva akompaña husi Diretor Nasional SKFP hodi partisipa workshop iha sesaun konsultasaun ho tema “What Are The Government of Timor Leste’s Key Reform Priorities in The Areas of Human Resources, E-Governance/ICT and Decentralisation ? How Do You Think The GfD Programa Can Best Support Those Priorities ?”, iha Suai Room, Timor Plaza, Comoro, Dili.

Iha sesaun daruak ba konsultasaun ne’e, Komisaria KFP halo aprezentasaun prioridades Komisaun Funsuan Públika nian ba inovasaun administrasaun públika ajusta ba avansus teknolojia, jestaun rekursus umanus iha administrasaun públika, disiplinar, interligasaun entre KFP-Ministériu Finansas, website KFP nian oinsa ba oin atu aperfeisoa diak liu tan ba iha públiku, seguransa sosial rejime kontribuitivu iha Funsaun Públika no prioridades seluk liga ho planu estratejiku Komisaun Funsaun Públika nian ne’ebé II Mandatu KFP iha ho prioridades sira ne’e atu hala’o diak liu tan ba oin ho efisiensia, efikasia iha Funsaun Públika. Alende ne’e Komisaria mós agradese tebes ba GfD nia apoia durante ne’e ba KFP no ba prioridades sira iha KFP no husu atu kontinua apoia programa KFP nian ba 2020 no ba futuru.

Atividade workshop ne’e organiza husi Governance for Development, Australia, no partisipa husi reprezentate Gabinete Primeiru Ministru, Ministériu Reforma Legislativa Asuntus Parlamentares (MRLAP), reprezentante embaixada Australia, Agensia Téknolojia Informatika Komunikasaun (TIK), Ministériu Finansas, UPMA no reprezentante instituisaun seluk.