Comissão da Função Pública

Partisipasaun KFP iha 2025 Phillipines Society Public Administration (PSPA)- Estern Regional of Public Administration (EROPA) JOINT INTERNATIONAL CONFERENCE ho tema Public Administration in the Age of Populism, Polycrisis, and Technological Transformation: Dilemmas, Dynamics, and Directions October 1-3, 2025, Tacloban City, Philippines.

Konferénsia refere hahú ho reuniaun Konsellu Ezekutivu ba dala 70 EROPA nian ho nia aprezentasaun Relatoriu atividade EROPA tinan 2024 no entre asuntu sira seluk, ida mak adezaun KFP Timor-Leste ba membru EROPA nian.

Hafoin reuniaun Konsellu Ezekutivu, delegasaun KFP partisipa kedas iha serimonia abertura Konferensia internasional PSPA-EROPA 2025.

Sesaun iha konferénsia ba loron refere kompostu husi plenaria 4 ho ninia sub-plenariu sira, ho nia topiku sira mak hanesan PUBLIC OPINION AND THE POPULIST SURGE: IMPLICATIONS FOR GOVERNANCE; CIVIL SERVICE AND PUBLIC SECTOR TRANSFORMATION: ISSUES, CONCERNS, AND CHALLENGES; PUBLIC ADMINISTRATION AMID POLYIRSES: CHALLENGES AND DIRECTIONS.

Husi plenaria 4 nee, Presidente KFP sai hanesan orador ida iha plenariu segundu, ho tema CIVIL SERVICE AND PUBLIC SECTOR TRANSFORMATION: ISSUES, CONCERNS, AND CHALLENGES. Iha aprezentasaun Presidente KFP partilla kona-ba Dezafius husi implementasaun ba reforma administrasaun públika iha Timor-Leste ho ninia estratejia sira.

Partisipante konferensia ho total 500 partisipantes, kompostu husi delegasaun internasional: China, Japão, Índia, Vietnam, Coreia do Sul, Thailândia, Nepal, Bangladesh, Canada, Malaysia, Timor-Leste no Filipina inklui ona estudantes universiáriu sira.

Orador ba Plenáriu 4 nee ho total 15, Sub-plenáriu 17 neebe mai husi kamada Professor Universitárius, Peritus husi área administrasaun públika, TI (teknolojia informasaun), reprezentante husi Autoridade governasaun local Filipinas, Peskizadores husi Human Resources Research Centres, Lider husi Asosiasaun Administrasaun Públika nian no entre sira seluk.