Categories: NotíciasRecrutamento

KFP Testamuña ba Asinatura Termu Aseitasaun 87 FP Foun MPO Nian

Ministériu Planu Ordenamentu (MPO) hala’o posse no asinatura termu aseitasauN ba funsionáriu públiku permanente foun hamutuk 87 kompostu husi feto 38 no mane 49 hodi ingresa tama ba Funsaun Públika.

Prezidente Komisaun Funsaun Públika, Faustino Cardoso Gomes fó parabéns no kongratula painel juri sira husi MPO no KFP ne’ebé realiza rekrutamentu ne’e to’o prosesu sira ne’e konklui. KFP ninia partisipasaun ne’e hodi sai hanesan testamuña ba prosesu sira ne’e no ba oin kontinua servisu hamutuk iha âmbitu jestaun rekrusu umanus, inkluindu ba sira ingresadu foun 87.

Prezidente KFP hateten, husi kompozisaun vaga ne’ebé mak iha hamutuk 87 husi vaga refere iha 44% mak mai husi feto sira, signifika feto mós destaka an buka atu konkista, apresia liga ho perspetivu jéneru no sira mós oinsá mobiliza aan la’o entre mane sira, apresia tebes, tanba iha Funsaun Públika ne’ebé haree ba parte ida pozitivu. No husu ba funsionáriu sira atu servisu ho responsabilidade, profisional, haree hodi kumpri tuir deveres no direitu sira hodi bele servisu hamutuk ne’ebé importantísimu. Ida ne’e foin mak inisiu, tanba prosesu tuir mai sei todan no husu atu hala’o knaar ho di’ak tuir juramentu atu hala’o knaar lulik ida ne’e no husu ba MPO atu prosesu ba kursu indusaun tuir mai.

Iha tempu hanesan diskursu Vise Primeiru Ministru no Ministru Planu Ordenamentu, José Reis hateten, fó boa vindas no parabéns ba emposadu sira ne’ebé tama mai MPO, juramentu ne’ebé labele iha de’it surat tahan leten, maibé aplika lor-loron iha imi nia prestasaun servisu husi inísiu to’o 60 anos, wainhira tama iha reforma ida ne’e mak importante.

Ministériu Planu Ordenamentu hala’o knaar importante tebes, iha Governu ida ne’e hodi ko’alia ba planu no instumentu planu atu bele hala’o planeamentu no ordenamentu ba instrumentu ne’ebé mak orienta ita hodi hala’o hodi hala’o prosesu ida ne’ebé integradu.

MPO hamutuk ho KFP halo esforsu tomak bele halo rekrutamentu ba funsionárius públikus, ne’ebé konsege partisipa iha 6 mil ital, imi hetan privilejiu tanba bele tama iha funsaun públika.

Alende ne’e, nu’udar vise Primeiru Ministru husu ba KFP wainhira fó reforma ba funsionáriu ruma tenke iha ona planu ida di’ak hodi substitui ba sira ne’ebé 60 anos ona, Konsellu Ministru aprova ona remuneratóriu ida ba INAP ba formasaun atu bele lori tan dosente husi nivel internasional hodi bele fó formasaun ida ba funsionáriu sira iha Funsaun Públika hodi prepara di’ak liu tan iha prosesu ida nia laran.

Share
Tags: mpo

Recent Posts

CRAM & KFP Diskute Medida Estratéjika Hodi Fó Xamada ba FP Involve Iha Arte Ritual no Arte Marsial

Prezidente Komisaun Reguladora Arte Marsiais (CRAM) audiensia ho Prezidente no Komisárius Komisaun Funsaun Públika hodi…

2 dias ago

KFP Partisipa 23rd Session of  Committee of Expert on Public Administration (CEPA) of the United Nations Economic and Social Council

Ekipa ida husi Komisaun Funsaun Públika hamutuk ho INAP partisipa iha Sesaun ba dala-23 Komisaun…

6 dias ago

KFP-MACLN Lansa Atividade Ba Komemorasaun LNFP Ba Dala X

Kinta-feira -25/4/2024- Prezidente Komisaun Funsaun Públika, Agostinho Letêncio de deus, Komisáriu José Telo Soares Cristovão…

6 dias ago

KFP Audiensia Iha Konsellu Ministrus – Idade Efetivu ba Reforma Iha Administrasaun Públika

24 Abríl 2024, Prezidente Interinu Komisáriu ba asuntu Pensaun no Reforma Komisaun Funsaun Públika, Fausto…

1 semana ago

KFP-FDCH: Disemina Informasaun Dezafius no Planu Formasaun Liu Husi Metro FM

Dili, 17 Abril 2024 – Diretór Nasional Planeamentu Kuadru Pesoal Funsaun Públika (DNPKPFP-KFP) no Diretór…

2 semanas ago

Teste Bolsa Kandidatus La Priense Vagas Existentes

Komisaun Funsaun Públika sei la haree se mak manán no se mak lakon iha prosesu…

2 semanas ago