Comissão da Função Pública

Ministériu Justisa liu husi Diresaun Jeral Administrasaun no Polítika Justisa ho Diresaun Nasional Rekursu Umanus hala’o formasaun ba funsionárius iha loron lima nia laran hahú (23-27/05).

Objetivu formasaun ne’e atu kapasita funsionarius sira sai servidor Estadu ne’ebé kualidade, matenek ho dignidade.

Partisipantes formasaun ne’e mai husi munisípiu sanulu resin rua kompostu husi feto nain 20 no mane 30, funsionáriu ne’e mai husi diresaun ofisial finansas ho rekursus umanus Distrital.

Komisáriu Planeamentu Forsa Traballu, Avaliasaun Dezempeñu Formasaun no Dezenvolvimentu, António Freitas marka prezensa iha serimónia enseramentu formasaun ne’e liu husi ninia diskursu hateten, fornasaun ne’e atu aprende buat foun,  labele monoton ba funsionarius nia direitu, dever no kodigu konduta funsionariu ida-idak hatene ona. Atu halo formasaun ida ho tópiku ne’e tenke foti  tuir professionalizmu ida-idak nian maibé, iha diferesia, ne’e mak ita aprende buat foun hodi hasa’e funsionariu nia kapasidade, maske rekomendasaun ne’ebé tenke pertinente duni ba formasaun nebe mak iha no selektivu no kontinua hala’o sira nia knar ho kualidade pesoál iha atendimentu públiku, ne’e presiza  professionaliza.

Alende ne’e Komisariu portfóliu Planeamentu Forsa Traballu, Avaliasaun Dezempeñu, Formasaun no Dezenvolvimentu, António Freitas husu ba Diretores Nasionais no Diretores Jerais iha Ministériu Justisa atu identifika funsionarius sira ne’ebé seidauk hetan oportunidade ba formasaun tenke hot-hotu hetan oportunidade ba formasaun. Tanba iha Ministériu Justisa tinan kotuk,  halo formasaun iha Sentru Jurídiku ne’e boot teb-tebes no haruka balun ba Portugal maibé, KFP la aprova maioria.

Komisariu KFP husu, planu tinan oin tau kestoens hirak ne’e hodi apar mós ba kondisoens iha Instituisaun tolu liu-liu FDCH no INAP tanba, uluk funsionárius ba tuir formasaun iha rai liur no bolsu estudu ba edukasaun formal hakarak ka lakohi ba diretamente maibé, ohin loron lae. KFP iha ona manual nu’udar matadalan ba bolsu  estudu, se aprova ona ein termus kustu ba nasaun ida-idak, kustu ne’e iha diferensia tanba bolsu estudu ba estuda iha Indonézia, Portugal, Australia no Afrika kustu lahanesan tanba haree mós ba distansia.

Nune’e Komisáriu fó mós sujestaun ba Ministériu Justisa liu-liu ba Diresaun Terras no Propriedade no diresaun Rejistu Notariadu ne’e presiza eleva sira nia kapasidade profesional tanba sira mak hatama reseitas barak ba Estadu.

Iha enseramentu formasaun ne’e Ministru Justisa, Tiago Amaral Sarmento, husu ba Diretores hot-hotu atu halo planu didiak ba formasaun no indentifika funsionarius ne’ebé iha Ministériu Justisa, diresaun importante hot-hotu hetan oportunidade ba formasaun no labele hala’o formasaun iha de’it kapital  maibé, bele mós ba iha Munisípiu, hanesan Manufahi, Ainaro ka iha Lautem ne’eba. Nune’e  kapasitasaun ba  funsionarius públiku hot-hotu hetan kapasidade ba atendimentu públiku ho didiak, laran mamar labele hirus ka desliga ema.

Serimonia enseramentu ne’e hala’o iha sesta feira, 27/05 iha audiróriu MJ, no fahe mós sertifikadu simpoblikamente ba formadus nain 52.