Comissão da Função Pública

Iha selebrasaun Aniversariu Funsaun Publika tinan liu ba, fo resposabilidade ba Ministeriu Asuntus Palamentares no Komunikasaun Sosial hanesan komisaun organizadora. Selebrasaun tinan ida ne’e nian hala’o ho atividades oioin, inklui semináriu ne’ebe sei partisipa husi Presidente CFP, nune’e sei deside hamutuk mos tema semináriu ne’e rasik. Atu realiza ida ne’e, maka Tersa-feira ne’e, dia 20/06/2023 – Prezidente Komisaun Funsaun Públika, Faustino Cardoso Gomes no Komissáriu Funsaun Públika, Fausto Freitas da Silva hala’o enkontru ho Reprezentante Ministerio Asuntus Parlamentares no Komunikasaun Sosial-MAPKOMS iha Sala Reuniaun Komisaun Funsaun Públika Matadoro Dili. Iha enkontru ne’e Diretora Nasional Rekursus Umanus MAPKOMS, Isabel Maria Cardoso, esplika objetivu reuniaun ne’e hodi informa ba Komisaun kona-ba preparasaun ba atividade semináriu nasional ne’ebé tuir planu sei realiza iha rejiaun sira, ba âmbitu komemorasaun loron funsaun públika ba da-9 nian.