Comissão da Função Pública

Nai Jesus Kristu haruka ita atu moris hamutuk núdar sosiedade ida hadomi malu, tenke aprofunda ka bazeia ba Kristu Nia domin rasik, ne’ebe hatudu liu husi fo Nia-an ba mate, hodi salva ema hotu-hotu. Kritériu eh sasukat ida fó’an ba mate hanesan funsionáriu ou ema governu nian, buka atu hateke Nai Jesus Kristu nia evangêlo ohin nian : “hadomi malu núdar hau hadomi imi’’.

Iha servisu sira hanesan ema sarani diak, buka atu hatudu’an hanesan ema diak, liu-liu hala’o knar hanesan funsionáriu públiku iha fatin ne’ebé ita haknaar’an ba, buka atu kaer lia fuan ‘’Hadomi’’ ne’e, servi ho domin hatudu sai iha ita nia hahalok sira, hahalok perdua ema, servi ema ho laran mamar ba ita nia maluk sira, tuir Jesus nia Domin as liu maka entrega Nia-an ba mate iha Kruz leten tan hadomi ita ema.

Iha Homilia Padre Leandro Maria Alves hateten leitura ohin hato’o Kristu nia Domin ba ita ema to’o mate iha Kruz, hatudu ezemplu atu servi maluk sira ho laran ho fuan mos, hodi sita mos Padroeiro Funsaun Publika Saun Tomas More, ne’ebe antes ema atu oho nia, hateten : “hau mate hanesan servedor diak liurai nian no servedor diak Maromak nian”, ho hanoin katak iha selebrasaun loron funsaun publika nian ne’e, funsiunariu sira iha esperitu servi diak liu tan ba Povo no Nasaun Timor Leste, liu husi knar ida-idak iha Instituisaun ida-idak nian.

Presidente Komisaun Funsaun Publika-KFP, Faustino Cardoso Gomes iha enseramentu Misa ne’e hodi Funsaiunariu Publiku nia naran agradese ba hotu-hotu ne’ebe hola parte iha Misa ne’e, bele iha esperitu servi ho Domin iha servisu fatin ida-idak nian. Presidente konsidera Misa asaun de Grasa ba selebrasaun loron Funsaun Publika tinan ida ne’e espesial tebe-tebes tamba dirijida husi Pe. Leandro Maria Alves ne’ebe hanesan Bispu Foun ba Diocese Baucau, aumesmu tempu partisipa husi Membru foun Governo Konstituisaun dasia iha selebrasaun dasia tinan ida ne’e nian.