Comissão da Função Pública

Diretor Nasional Etika Disiplinar Prosedimento Administrativu-Komisaun Funsaun Públika-DNEDPA-KFP Lourenco Barros Magno representa Komisaun Funsaun Públika sai orador hodi koalia konaba “Roteiro prosesu Disiplinar Funsaun Públika iha programa Formasaun konaba Jeneru ba funsionariu Ministerio Obras Públika nian, ne’ebe hala’o durante loron ida iha salaun enkontru Administrasaun Aisirimou, Munisipio Aileu, quinta feira loron 24 fulan Agostu tinan 2023.

Orador seluk maka Pontu Fokal Secretario Estadu Inkluzaun-SEI Munisipio Aileu nian Nilva Martins Mesquita hodi koalia konaba “Violensia bazeia ba Jeneru no lei kontra violensia Domestika”.

Diretor DNEDPA Lourenco Barros Magno durante apresentasaun hateten, Lae ba asédiu sexsual importante atu funsionario públiku sira koinese didiak iha mundo trabalho ne’e hanesan proebido, tamba funsionario feto mane ne’ebe mai iha servisu fatin tenki senti seguru durante oras servisu nian.

Diretor  Lourenco Barros Magno sublinha liu tan katak bainhira funsionario ida komete kazu asediu sexsual iha servisu fatin, sei submete ba prosesu disiplinar baseia ba keixa hodi aplika pena baseia ba artigu 69 estatuto funsaun públika lei nomor 5/2009 tuir eskala pena ne’ebe komete.

Iha tinan 2023 komisaun Funsaun Públika regista kazu asediu seksual tolu envolve funsionario Públiku nebé oras ne’e iha hela prosesu investigasaun liu husi keixa eskrita no  hatoó keixa online Chatbot Rosa, no hakotu nia esplikasaun hodi husik hela mensajen ba funsionario sira hotu katak proebido tebes hahalok asediu seksual iha servisu fatin, tamba sei afeita ba funsionario sira nia vida servisu. 

Parte seluk Administrador Munisipio Aileu Abel da Consencão iha nia diskursu agradese ba ministro Obras públika, tamba bele hili munisipio AIleu hodi halao programa formasaun konaba hapara asediu seksual iha servisu fatin no violensia baseia ba generu.

Tuir Administrador, importansia husi formasaun nee maka atu fo lembra funsionario sira hanesan servidor katak fatin servisu sagradu atu funsionario sira halao servisu halo atendementu ba komunidade, tamba ne’e proebido ka la fo biban ba funsionario no xefia sira uza fatin servisu ba pratika asediu seksual, tamba nudar funsionario servidor públiku tenki hatudu Exemplu diak ba públiku. 

Diretora Rekursu Humanos Ministerio Obras Públika Odete Esperanca da Costa Freitas ne’ebe organiza formasaun ne’e hateten obsetivu husi formasaun ne’e atu hasae konesementu funsionario sira nian atu kompriende diak liu tan konaba hahalok asediu seksual iha servisu fatin no violensia baseia ba generu.

Formasaun ne’e atu guia funsionario ida atu kompriende no importante ba vida funsionario sira nia tamba ne’e husu funsionario ne’ebe partisipa iha formasaun ne’e ho maximu. Formasaun ne’e abertura ofisialmente husi husi Administrador Munisipio Aileu Abel da Consencão  partisipa husi funsionario no Trabalador EDTL, Be Timor Leste,E.P.  no  Ministeriu obras Públika husi Nasional no Munisipio AIleu  hamutuk ema nain 113  kompostu feto 93 no mane nain 20.