Komisária portfóliu ba rekrutamentu, selesaun, promosaun no kareiras iha Funsaun Públika, Carmeneza dos Santos Monteiro no Sekretaria Eaekutiva, Maria da Costa Oliveira partisipa serimonia tomada de posse no asinatura termu aseitasaun ba kargu Diretor Nasional Rekursu Umanus Aprovizionamentu no Lojístika, Deolindo Ximenes iha Sekretariu Estadu Meiu Ambiente iha salaun Esperenz Delta, Díli, loron tersa feira (26/04).
Komisária Carmeneza dos Santos Monteiro iha ninia diskursu hateten, iha mandatu IV Governu Konstitusional halo reforma Administrasaun Públika hodi estabelese Komisaun Funsaun Públika baze ba Lei no.7/2009 nu’udar orgaun ida ne’ebé reponsavél hodi garantia Funsaun Públika ne’ebé polítikamente inzenta, imparsial bazeia ba méritu no kaer metin padraun profesionalizmu ne’ebé ás, atu hametin dezempeñu setór públiku haktuir iha rekerimentu no prinsipiu ne’ebé estabelese iha lei Funsaun Públika nú.8/2004 alteradu ba lei nú.05/2009.
Tamba ne’e parte hotu ne’ebé partisipa iha selebrasaun serimónia tomada de posse senti haksolok no orgullu ba prosesu implementasaun rekrutamentu pur méritu iha Administrasaun Públika, ho susesu ba emposadu Deolindo Ximenes hodi priense ba vaga Diretur Rekursu Umanu no Aprovizionamentu no Lojístika iha Sekretario Estadu Meiu Ambiente, ne’ebé ho papel halo planu lidera no guia hodi dezenvolve no koordena polítika no asegura efikasia, efetividade husi prosesu aprovizionamentu iha organizasaun hodi apoiu nesesidade no rekerimentu operasional no apoiu metas no objetivu organizasaun nian.
Pozisaun lojístika maka asegura instituisaun nia tarefa husi fatin ida ba fatin seluk hodi asegura katak, Sekretariu Estadu Ambiente bele hala’o servisu ho di’ak.
Komisária Carmeneza hato’o deseiju susesu ba emposadu Deolindo Ximenes ne’ebé liu husi prosesu selesaun pur méritu sertifika an atu kontinua demonstra no prova nia kualidade iha nia servisu ne’ebé instituisaun tula hela ba nia kbás.
Sorin seluk, Sekretariu Estadu Meiu Ambiente, Demetrio Amaral senti haksolok no orgullu tanba, prosesu selesaun pur méritu ba kargu Diretor Nasional Rekursu Umanus, Aprovizionamentu no Lojístika iha Sekretariu Estadu Meiu Ambiente hala’o dala uluk ho firmeza katak, organizasaun Meiu Ambiente sei kuda nia abut hodi organizasaun ne’e ba oin metin ho di’ak liu tan.
Sekretariu Estadu Meiu Ambiente, Demetrio Amaral fiar katak, ho estatutu Sekretariu Estadu Meiu Ambiente ne’ebé iha ona baze ba estatutu Funsaun Públika kona-ba kriasaun departamentus no diresaun sira hodi bele alkansa ba vizaun organizasaun Meiu Ambiente nian. Tanba ne’e husu ba kargu xefia sira no funsionáriu iha Sekretariu Estadu Meiu Ambiente atu kontinua promove espíritu servisu hamutuk hodi mellora servisu atendimentu ba públiku ne’ebé di’ak liu tan no responsabilidade.
Prezidente Komisaun Reguladora Arte Marsiais (CRAM) audiensia ho Prezidente no Komisárius Komisaun Funsaun Públika hodi…
Ekipa ida husi Komisaun Funsaun Públika hamutuk ho INAP partisipa iha Sesaun ba dala-23 Komisaun…
Kinta-feira -25/4/2024- Prezidente Komisaun Funsaun Públika, Agostinho Letêncio de deus, Komisáriu José Telo Soares Cristovão…
24 Abríl 2024, Prezidente Interinu Komisáriu ba asuntu Pensaun no Reforma Komisaun Funsaun Públika, Fausto…
Dili, 17 Abril 2024 – Diretór Nasional Planeamentu Kuadru Pesoal Funsaun Públika (DNPKPFP-KFP) no Diretór…
Komisaun Funsaun Públika sei la haree se mak manán no se mak lakon iha prosesu…