Tersa – Feira, loron 29 fulan Agostu tinan 2023 – Sekretaria Exekutiva – Sekretariadu Komisaun Funsaun Públika SKFP, representa KFP hodi hatan ba Konvite husi Konfederasaun Sindikatu Timor-Leste-KSTL ne’ebé hamutuk ho Programa Global Inisiativa Spotlight no Internasional Labour Organization-ILO hodi sai Oradora iha Semináriu Nasionál ho Tema Haforsa Dialogo Sosial Hodi Prevene Violénsia no Asédiu iha Mundu Traballu iha Salaun Luz Clarita Accait-Dili.
Objetivu husi Semináriu Nasionál ne’e atu hasa’e konsiensia ba direitu traballador sira nian, inklui traballador feto sira ba servisu no reforsa hakle’an koñesementu hodi kontribui ba envairomentu servisu ida ne’ebé saudavél no seguru ka livre husi Violénsia no Asédiu, inklui violénsia bazeia ba jeneru iha Mundu Traballu iha Timor-Leste.
Iha seminariu refere Sekretaria Ezekutiva Maria da Costa Oliveira halo aprezentasaun kona-ba Polítika Governu nian kona-ba Prevensaun Violénsia no Asédiu iha Funsaun Públika, ba partisipa iha partisipante sira hotu iha Semináriu Nasionál ne’e.
Semináriu ne’e hetan partisipasaun husi United Nation-UN Residence Coordinator, European Union, Sekretariu Estadu Formasaun Profisional – SEFOPE, Sekretariu Estadu Igualdade – SEI, Asistensia Legal Feto no Labarik – ALFELA, Camâra Comércio e Industria Timor Leste – CCITL no Representante Estudante husi Institutu no Universidade sira iha Díli.
Tersa-Feira, 14/05/2024 - Prosesu teste eletrónika bolsa kandidatus rejime dosentes ne’ebé hala’o hahú loron 15…
Komisaun Funsaun Públika lansa pre-post test digital iha munisípiu Aileu hodi hahú diseminasaun legislasaun, regras…
Segunda-feira, 13 Maiu 2024 – Komisáriu Komisaun Funsaun Públika portefóliu ba asuntu Pensaun no Reforma,…
Komisáriu Komisaun Funsaun Públika Portefóliu ba Forsa Traballu iha Funsaun Públika, José Telo Soares Cristóvão…