Comissão da Função Pública

Vizita surpreza ne’e hahú iha tinan kotuk ba iha instituisaun lubuk ida inklui mós munisípiu Ermera Komisaun Funsaun Públika deteta 500 ital funsionárius mak ami detekta faltas, atraza nomós iha funsionáriu sira la asina lista prezensa ne’e relatoriu konklui ona atu loke ba prosesu disiplinar ba iha kada instituisaun.

Objetivu husi vizita surpreza ba instituisaun Estadu sira ne’e hotu tanba iha orientasaun Primeiru Ministru atu halo monitorizasaun no kontrola funsionalizmu públiku sira iha Nasional no Munisipál, dehan Agapito da Conceição durante entrevista ho media GMN iha nia kna’ar fatin, Sexta-feira 28/02/2025.

Tuir Komisariu Asuntu Disiplina KFP katak, ho orientasaun ida ne’e mak KFP hamutuk KAK, IGE, no Patrimóniu Estadu hodi hala’o vizita surpreza konjuntu ba instituisaun públiku ne’ebé mak  atendimentu ladun la’o ho di’ak.

Ekipa integradu mós iha hanoin atu halo audensia ba iha kada instituisaun hodi halo auto defeza ba faltas no la asina sira ne’e vale ba instituisaun ne’ebé mak hetan ona vizita supreza, haktuir Komisariu KFP.

Komisariu Agapito da Conceição akresenta, vizita surpreza ne’ebé mak hala’o iha tinan 2025 ne’e tanba atu hadi’ak irregularidade sira ne’ebé mak komete, iha buat balu ne’ebé mak krime sei tama ba iha KAK hodi fo sansaun ruma atu iha futuru bele hadi’ak liu tan ba iha sistema Boa Governasaun.

Ekipa integradu haat ne’e iha responsavel ida-idak, KFP kontrola kona-ba funsionalizmu públiku iha administrasaun públika nian, iha fasilidade ka material ruma mak falta KFP sei rekomenda ba instituisaun relevante hodi instituisaun bele hala’o kontrolu interna ho adekuadu ba funsionáriu sira.

Funsionariu sira ne’ebé mak iha loron 3 fulan Janeiru ne’ebé mak la tama servisu no konsidera falta ne’e ko’a salariu nomós ba funsionáriu ne’ebé mak atraza loron ida oras ida ka rua sura to’o oras walu mós sei konta loron ida falta ne’e haktuir ona iha Lei Estatutu Funsaun Públika.

Nune’e mós ba funsionáriu ne’ebé mak la partisipa isar bandeira iha primeira semana kada fulan mós iha sansaun nomós ko’a saláriu, haktuir Komisariu KFP.