Comissão da Função Pública

Análize forsa traballu iha setór saúde ninian, diagnostikandu kona-ba merkadu traballu, iha situasaun prinsipal tolu mak state, market and sivil sociate tolu ne’e la’o hamutuk iha mundu tomak, ne’ebé ita partisipa iha merkadu, sosiedade sivil no mós universidade. Oinsá atu koloka iha pensamentu sira ne’e nu’udar funsionárius no ministériu institutu Estadus hola parte husi state, ida ne’e dinámiku, holístiku husi parte hotu hamutuk hanoin lisuk kauza saúde iha kontekstu Timor-Leste nian, ne’ebé ho invetimentu aas tebes, formasaun profisionais saúde iha parte hotu sempre kontinua ne’e Estadu Timor-Leste nian, dehan Prezidente KFP iha abertura workshop análiza merkadu traballu iha setór Saúde, ne’ebé programa ne’e hetan apoiu husi  USAID ba rekursus umanus profesionál saúde iha Ministériu Saúde  ba sistema Saúde  sustentabilidade  iha Nasaun Timor-Leste.

Objetivu husi workshop inisiasaun ne’e atu bele hetan informasaun klean kona-ba análiza merkadu traballu saúde hodi simu imput, halibur informasaun sira kona-ba fornesimentu no nesesidade atuál ba pessóal saúde sira, nune’e mós kona-ba dezafiu no oportunidade sira iha merkadu traballu saúde nian. Nune’e haree mós kona-ba dinámika merkadu traballu saúde avalia setór edukasaun ne’ebé fornese forsa traballu saúde no dezenvolve rekomendasaun sira bazeia ba evidénsia sira ne’ebé ajuda dezenvolvimentu planu estratéjiku ba rekursu umanus saúde nian ba periodu tuir mai.

Estadu ninia dever oinsá prepara informasaun sira kona-ba to’o ona iha ne’ebé situasaun saúde iha Timor-Leste liga ho dadus estatístikus saúde nian husi nasionál to’o áreas rurais, ne’e hatudu oinsá atu konsolida, kapasita liu tan kualidade prestasaun iha setór saúde ninian, ne’ebé mak ida ne’e sai hanesan prioridade aas tebes Estadu nian, dehan Prezidente KFP.

Sosiedade sivil no universidade mós tau kestaun boot ba saúde nian ne’ebé mak setór saúde importante tebes iha Universitariu sira, UNPAZ, UNDIL, UNITAL, CRISTAL, UNTL, klinikas privadus no públiku tomak  nia resposabilidade ema hotu nian, esplika Prezidente KFP iha eventu workshop iha segunda feira ne’e, (17/04/2023), iha Hotel Timor. Partisipantes workshop ne’e kompostu husi Agensia Internasionais, Nasionais, Assosiasaun Saúde iha Timor Leste tomak, reprezentantes Universitarius total partisipantes 33.