Comissão da Função Pública

Segunda-feira, 17/04/2023, Komissáriu Komisaun Funsaun Públika, Fausto Freitas da Silva partisipa iha abertura ba Formasaun no Kapasitasaun iha área auditoria no mekanismu elabora relatóriu Auditoria no Inspesaun iha Salaun Memorial de Independênsia Ministériu do Turizmu

Objetivu husi formasaun ida ne’e foku liu ba koñesimentu jerál lala’ok servisu inspesaun no auditoria nian.

Avitidade formasaun no kapasitasaun ba funsionáriu públiku sira ne’e sai nu’udar planu prioridade ba Komisaun Funsaun Publika no ita nia Governu rasik. Ne’ebé mak hatuur aliserse Administrasaun Públika nian ida ho baze ba  profisionalismu no méritu,  presiza tau prioridade ba atividade formasaun  no kapasitasaun ho forma regular ba ita nia Servidor Públiku sira, dehan Komisáriu KFP asuntu disiplinar iha sesaun abertura formasaun ba Instoria no Auditoria nian iha MTCI, Farol.

Iha intervensaun Komisáriu Disiplina katak, Ita nia Estadu sei forte liu se bainhira SERVIDOR PÚBLIKU ka Funsionáriu sira forte no prontu atu kumpre sira nia misaun. Servisu Auditoria no Inspesaun ne’e importante tebe-tebes hanesan “Matan no tilun” ba boa Governasaun ninian hodi asegura utilizasaun rekursu finanseiru no material sira iha kada instituisaun la’o ho didiak tuir regulamentu no lei sira hodi bele atinje espetativa ka planu instituisaun ida-idak ninian. No sai hanesan papél importante mak hanesan rekomenda prosesu ba KFP ka ba Ministériu Públiku no rekomenda ba instituisaun sira atu hadi’a mekanizmu servisu internu ne’ebé mak auditor sira identifika katak mosu irregularidade ka la’o la tuir prosedimentu legal sira ne’ebé iha.

Nune’e Komisáriu husu, nafatin kontinua partisipa atividade formasaun sira hodi hadi’a nafatin ita boot sira ninia dezempeñu hodi bele presta rezultadu servisu ida ho kualidade di’ak ba ita nia instituisaun no nasaun. Tanba ne’e Inspetor no Auditor sira tenke hala’o knaar nu’udar lider ba prinsípiu boa governasaun ninian.

Iha tempu hanesan Ministru Asuntus Parlamentares no Komunikasaun Sosial, Francisco Jerónimo iha ninia diskursu hateten, pilar hot-hotu tenke setup atu nune’e bele fó hanoin ba malu kona-ba servisu administrasaun públika lor-loron nian, entaun Ministériu hot-hotu iha obrigasaun ba servisu inspetória no auditória kontrola servisu administrasaun ne’ebé la’o iha ministériu ida-idak.

Ministru MAPCOM akresenta, formasaun ne’e importante teb-tebes ba inspetur sira, funsionárius hotu atu bele hatene oinsá mak halo inspesaun, auditoria hodi bele koresponde ho Tribunal Kontas ninia servisu ne’ebé kada tinan halo ba Governu ba rekomendasaun sira husi servisu inspetoria no auditoria nian hodi bele promove governasaun di’ak iha servisu fatin. Formasaun ne’e sei hala’o durante semana rua ba total partisipantes nain 62, iha faze primeiru 31 pessoas mak formasaun ba Tékniku Auditór sira no faze segundu 31 ba Inspetor Jerál no Sub Inspetor sira hodi partilla kona-ba auditoria investigativu no métodu hakerek relatóriu ba tékniku auditoria sira no koñesimentu kona-ba servisu inspetoria.