Comissão da Função Pública

Kuarta-feira loron 5 fulan jullu tinan 2023, Komisaun Funsaun Públika realiza desiminasaun ba funsionárius públiku sira iha edifisiu Ministériu Negósiu Estranjeiru no Kooperasaun-MNEK Praia dos Coqueiros Dili, bazeia ba pedidu husi Instituisaun refere.

Iha sesaun abertura Sekretáriu Jerál-MNEK hateten, diseminasaun ne’e importante tebes hodi haklean koñesimentu funsionárius públikus sira nian, maske termus sira ne’e funsiunariu sira rona bei-beik ona, maibe presija intensifika liutan funsiunariu sira nia kompriensaun núdar servidor Estadu.

Materia sira ba diseminasaun nian kompostu husi rejime kargus diresaun no xefia iha administrasaun públika, rejime promosaun pessoal, instaurasaun prosesu disiplinar, lae ba asédiu seskual, pensaun no reforma, rejime avaliasaun dezempeñu no rejime faltas no lisensas.

Durante diseminasaun ne’e, partisipantes sira levanta kona-ba direitu lisensa maternidade, montante osan ba mudansa eskalaun, sistema rekrutamentu no nomeasaun ba kargus diresaun no xefias, perguntas no respostas ba promosaun grau nian presija dezenvolve tuir área ida-idak nian, nomós assuntu sira seluk ligadu ho servisu atendiemntu públiku.

Diseminasaun ne’e partisipantes sira mai husi funsionárius sira, inklui kargus diresaun no xefia sira hamutuk ema na’in 85, kompustu husi feto na’in 24 no mane na’in 61.