Comissão da Função Pública

Tersa feira loron 27/06/2023 iha Letefoho-Ermera, Ekipa Desiminasaun Komisaun Funsaun Públika-KFP ho ekipa integradu linha Ministerial sira hala’o Desiminasaun ba funsiunariu sira kona ba kuadru normativu sira hanesan Lei, Dekretu-Lei, regulamentu no regras jerais sira ne’ebé relevansia ho instituisaun ida-idak nian.  

Iha intervenasaun, Komisario KFP Fausto da Silva Freitas hanteten, atividade desiminasaun ne’e hala’o hodi fahe informasaun ba funsionáriu sira, atu bele kapasita diak liu tan sira ne’ebe halao knar hanesan servidor públiku, liu-liu sira nia koñesimentu, hodi bele tulun sira atu servi Estadu no povu ida ne’e ho profisional, efisiente no efikas.

Komisáriu Fausto da Silva Freitas iha diskursu, disiminasaun ne’e atu hatur aliserse Administrasaun Públika nian ida ho baze ba  profisionalismu no méritu,  presiza tau prioridade ba atividade formasaun  no kapasitasaun. Estadu ne’e forte, bainhira Funsionáriu sira forte no prontu atu kumpre sira-nia misaun, funsionáriu públiku sira presiza formasaun no dezenvolvimentu ne’ebé di’ak atu nune’e sira bele prepara’an di’ak liután.

Komisáriu KFP fo hanoin nafatin katak funsiunariu hanesan Servidor Públiku ne’ebé konduz mákina Estadu nian nafatin kontinua hala’o servisu Administrasaun Públika nian hodi atende públiku ninia nesesidade, hodi aliña ho programa politika Governu nian.

Atividade desiminasaun refere loke ofialmente husi administrador postu letefoho, António Manuel de Araújo, partisipa husi funsionáriu no ajente administrasaun públiku hamutuk ema na’in 68, kompostu husi mane 47 no feto 21.

Materia aprezentasaun ba loron dahuluk nian maka Direitu no Dever iha Funsaun Funsaun Públika, Prosesu, Regras no Prosedimentu Jestaun Patrimoniu Estadu, Papél Provedoria Ba Direitus Umanus No Justisa iha Boa Governasaun, Kontrolu Internu Ba Jestaun no Utilizasaun Rekursus Estadu, Violensia Bazeia ba Generu, Lae ba Asediu Sexuál no mós Prosedimentu Administrativu Disiplinár Prosesu Administrativu Disiplinar no Eskala ba Pena sira iha Funsaun Publika, Pensaun no reforma iha Funsaun Públika, Rejime Kontributivu Seguransa Sosial, Regime Promosaun Karreira Administrasaun Públika, Avaliasaun Dezempeñu, Lisensa Sem Vensimentu. Programa Desiminasaun ne’ebe ekipa integradu sira hala’o durante loron rua hahú tersa feira 27/06/2023 no remata quarta feira 28/06/2023 iha salaun enkontru postu administrative Letefoho, Munisípiu Ermera.