Comissão da Função Pública

Sexta Feira,30-06-23, Komisaun Funsaun  Publika Liu husi Gabinete  Inspesaun no Auditoria hala’o Enkontru Trimestral ho Inspektores no Auditores linha Ministerial sira hamutuk ho Inspesaun jeral Estado (IGE), hodi partilla Informasaun relativamente ho servisu Inspesaun no Auditora, asuntu Transversal, hodi reforsa no hametin papel servisu inspektoria no auditoria iha seitor publiku liuhusi supervisaun no avaliasaun.

Tuir Inspetor Geral Estado Fransisco de Carvalho iha nia diskursu  katak, ekontru trimestral Inspesaun geral Estado hamutuk ho komisaun funsaun publika no GIA linhas Ministerais sira ne’e, atu hodi fo hanoin ba malu oinsa atu bele mantein profesionalismu no asegura servisu funsionariu publiku nian iha ambitu kontrolu ninian, no oinsa bele  kontinua servisu nafatin ho governu foun mai. Iha enkontru trimestral ne’e, GIA kada ministerio  halo diskusaun kona ba programa sira mak hanesan, Atualiza asuntu revisaun Dekreto Lei-DL, regulamentu servisu auditoria iha Ministeriu Financas, kapasitasaun no Informasaun ba Auditor, renovasaun MoU no nia aplikasaun relasiona ho informasaun, partilla situasaun sira sobre kontrolu internu iha kada Instituisaun sira.

Nune mos Inpectora CFP Sonia da Silva soares hato katak, Enkontru trimestral ikus iha 2022 iha prioridade hat mak define ona, prioridade primeiru mak enkontru foin dadauk ne’e, hodi fo tempu atu Inspesaun Geral avalia actividade sira, inklui Ministeriu financas no Komisaun funsaun Publika.

Enkontru ne’e partisipa husi GIA Ministeriu sira hotu, hodi halo avaliasaun, hodi hare posibilidade oinsa lori DL ne’e ba oin, no agora dau-daun to’o ona iha gabinete asesor juridiku, no kontinua atu hare hodi halo revisaun hodi bele atualisa, ligadu ba DL  ne’e, identifika problema no defini solosaun ba problema sira.

Iha enkontru ne’e, diskute asuntu formasaun nian, Inspktor  geral estadu hateten, orsamentu ba formasaun nian Instituisaun idak–idak prepara orsamentu para ema hotu asesu, maibe liga ho MoU IGE halo ona, tamba asusntu formasaun Auditoria  hotu hotu iha IGE ninia responsabilidade, nune’e mos IGE iha ona dadus, atu pelumenus intituisaun idak-idak bele hare mos hanesan inspesaun nia papel ne’e.