Kinta-feira, 03-10-2019 – Ekipa konjunta kompostu husiKomisaun Funsaun Publika (KFP), Komisaun Anti Korupsaun (KAK), Provedoria Direitus Humanos e Justiça (PDHJ) no Inspetor Jeral Estadu (IJE) kontinua hala’o vizita surpreza ba Diresaun Nasional Empregu Eksterna Iha Sekretariu Estadu Formasaun Profisional Empregu (SEFOPE) Becora, Díli.
Objetivu ba vizita surpreza ne’e atu prevene aktus KKN iha servisu fatin.
Komisariu Komisaun Funsaun Públika asuntu disiplinar António Freitas promete sei hamutuk ho PDHJ, IGE no KAK hodi halo investigasaun klean ba kazu iregularidade ne’ebé mosu iha prosesu rekrutamentu ba traballador Timor Oan sira servisu iha Australia no Korea deskonfia envolve funsionáriu balun iha diresaun Empregu Eksterna SEFOPE durante ne’e.
António Freitas hateten, presija halo investigasaun tamba durante vizita surpreza identifika iregularidade funsionáriu balun envolve kazu nepotismu iha prosesu rekrutamentu trabalhadores no bainhira rezultadu investigasaun hatudu sei foti sansaun bazeia ba regra administrasaun ne’ebé mak iha.
Durante vizita surpreza ne’e adjuntu PDHJ Miguel Pereira de Carvalho mós reforsa tan katak, durante ekipa halo vizita surpreza iha SEFOPE konsege identifika administrativamente sistema ne’ebé instala, la primiti atu halu kontrolu ida ne’ebé efektivu hodi garante informasaun ba públiku kona-ba prosesu rekrutamentu ba trabalhadores durante ne’e no identifika mós lista aplikantes sira nian ne’ebé elejivél no la elejivél hodi garante transparensia.
Aktividade vizita surpreza nudar meus ida atu garante servisu administrasun transparansia efikasia efisiensia no responsabilidade.
Prezidente Komisaun Reguladora Arte Marsiais (CRAM) audiensia ho Prezidente no Komisárius Komisaun Funsaun Públika hodi…
Ekipa ida husi Komisaun Funsaun Públika hamutuk ho INAP partisipa iha Sesaun ba dala-23 Komisaun…
Kinta-feira -25/4/2024- Prezidente Komisaun Funsaun Públika, Agostinho Letêncio de deus, Komisáriu José Telo Soares Cristovão…
24 Abríl 2024, Prezidente Interinu Komisáriu ba asuntu Pensaun no Reforma Komisaun Funsaun Públika, Fausto…
Dili, 17 Abril 2024 – Diretór Nasional Planeamentu Kuadru Pesoal Funsaun Públika (DNPKPFP-KFP) no Diretór…
Komisaun Funsaun Públika sei la haree se mak manán no se mak lakon iha prosesu…