Comissão da Função Pública

Komisaun Funsaun Publika no Universidade Nasional Timor Lorosa’e asina akordu kooperasaun servisu ho objetivu atu halo formasaun peskija ba funsionáriu Komisaun Funsaun Públika.

Prezidente Komisaun Funsaun Públika Faustino Cardoso Gomes iha serimonia asina akordu senti kontenti tamba Magnifiku reitor UNTL ho nia estrutura responde positivu ba pedidu Komisaun nian hodi asina akordu ne’e. Komisaun mós identifika formador sei mai husi SNIC UNTL nian  atu bele implementa ho efisensia efikasia aktividade formasaun ne’e ho responsabilidade ne’ebé maka defini iha konteudu akordu tekniku ida ne’e. 

Entretantu Magnifiku Reitor UNTL Dr. Francisco Miguel Martins agradese ba  konfiansa husi KFP ne’ebé atribui ba UNTL nudar instituisaun formador akademika sientifika atu kontribui dezenvolve rekursu umanos ne’ebé kualifikadu ba konteudu nasional ba Timor-Leste iha prosesu dezenvolvimentu nasional ne’ebé foka liu ba formasaun metolojia peskija ba funsionárius atu eleva  kualidade rekursu umanos.

Magnifiku reitor UNTL ne’e promete sei asume responsabilidade formasaun kona-ba peskija  ba funsionáriu sira ne’ebé tuir planu sei hala’o iha fulan Novembro tinan 2019. Aktividade asina akordu ne’e hala’o iha (1/102019) iha salaun enkontru KFP, Matadouro, Díli.