Comissão da Função Pública

Presidente Komisaun Funsaun Públika-KFP Faustino Cardoso Gomes Segunda Feira Loron 7 Fulan Agustu tinan 2023, partisipa iha abertura ba formasaun Indusaun ba funsiunariu rekrutadu 2022 nian iha Instituisaun Nasionál Administarasaun Publiku-INAP Comoro Dili.

Formasaun Indusaun Gerál Obrigatoriu ba Funsionarius hamutuk 247, kompostu husi Ministeriu Saude 34, Feto 17 no Mane 17, Ministeriu do Planeamentu Investimentu Estrategiku-MPIE 43, Feto 18 no Mane 25, Komisaun Funsaun Publiku-KFP 26, Feto 13 no Mane 13, Universidade Nasional Timor Lorosae–UNTL 16, Feto 6 no Mane 10, Sekretaria Estadu ba Igualdade no Inklusaun-SEII 8, Feto 6 no Mane 2, Institutu Apoiu Desenvolvimentu Emprezarial-IADE 7, Feto 6 no Mane 1, Prokuradoria Gerál Republika-PGR 5, Feto 4 no Mane 1, Ministeriu Petrolium no Minarais-MPM 4, Feto 1 Mane 3, Institutu Politekniku Betanu-IPB 2, Feto 1 no Mane 1, Ministeriu Negosius Estrangeirus no Koperasaun -MNEK  2, Mane hotu.

Iha Abertura Serimonia Formasaun Indusaun nian ne’e, Presidente KFP hateten ba partisipantes sira katak Komisaun Funsaun Publika ne’e orgaun ida ne’ebé reprezenta Funsionarius Publikus hotu-hotu iha Timor Leste nia laran  tomak, ne’ebé rekrutadu hodi atu servi Povu, Nasaun no Patria, tuir ida-idak nia Area de Kompetensia, nia Responsabilidade, hodi  lori Povu ba bem-Estar tuir mehi lulik Herois sira nian, ne’ebé konkista Independensia, ne’ebe  ohin loron ita goza dau-daun ho hakmatek.

Presidente hatutan tan katak, koalia kona-ba Funsaun Publika, koalia ba Ema, ne’e katak funsiunariu sira ne’e hotu, se karik laiha Funsaun Publika estadu ita nian laiha sentidu, tanba ema maka halo estadu ne’e sai dinamiku, book aan tuir irama saida de’it, “todo dinamico” ne’ebé  determina husi ita sira ne’e, tamba ne’e formasaun ida ne’e atu imi komprende oinsá papél importantismu husi nasionalismu no patriotismu.

Formasaun Indusaun periudu ida ne’e sei halao iha faze rua durante fulan rua nia laran, faze prmeiru ne’ebe nia abertura halao ona iha fulan agustu ne’e, no segunda faze sei halao fali iha fulan Outubru.