Diretor Nasional Planeamentu Kuadru Pessoal Funsaun Públika Fransico da Costa Pereira representa Komisaun Funsaun Públika partisipa serimónia tomada de posse ba Prezidente Instituto Nasional Formasaun Dosentes no Professional Edukasaun INFORDEPE-Domingos Martins segunda feira loron 7 fulan Agostu 2023 iha salaun enkontru INFORDEPE Balidi Dili.
Prezidente eleitu INFORDEPE Domingos Martins troka Prezidente sesante Manuel Gomes ho mandatu tinan hat hahú tinan 2023 to’o tinan 2026.
Ministra Edukasaun Dulce de Jesus Soares iha diskursu husu ba Prezidente INFORDEPE eleitu Domingos Martins atu kria koordenasaun di’ak ho estrutura tomak INFORDEPE nian resposabilidade hodi kontinua programa sistema formasaun ba profesores ne’ebé ho metodologia uza digitalizasaun edukasaun nian hodi lori informasaun ba profesores sira hodi asegura kualidade edukasaun iha Timor-Leste.
Digitalizasaun edukasaun parte ida husi planu prioridade husi Nonu Governu Konstitusional nian atu uza teknolójia iha prosesu aprendizajem iha nivél eskolar hotu hotu atu kontinua hadi’a kualidade edukasaun ida diak ba Timor-Leste iha futuru. Serimónia tomada de posse ba Prezidente eleitu INFORDEPE Domingos Martins konta ho partisipasaun Sekretario Estadu Ensinu Sekundáriu Jeral no Ensinu Sekundáriu Tekniku Vokasional Domingos Lopes Lemos, Diretor INFODEPE no Diretor Edukasaun husi Munisípiu sira, agensia ne’ebé sai parseiru ba INFODEPE durante ne’e, inklui família emposadu.
DÍLI, 31 Jullu 2026 – Prezidente Konsellu Administrasaun Banku Nasionál Komérsiu Timor-Leste (BNCTL), Januário da…
Segunda-feira, 13 Jullu 2026 - Komisaun Funsaun Públika no Ministériu Defeza fo tomada pose ba…
Komisaun Funsaun Públika hamutuk ho Ministériu Agrikultura Pekuaria Peska no Floresta fo tomada pose ba…
Tersa-feira, 07 Jullu 2026 - Prezidente Komisaun Funsaun Públika (KFP), Agostinho Letêncio de Deus no…
MANATUTO - Ekipa integradu husi liña Ministeriais no Instituisaun Estadu sira hanesan, Komisaun Funsaun Públika-KFP,…
Prezidente, Komisárius hamutuk Sekretariadu Komisaun Funsaun Públika organiza enkontru konvokatóriu ho direjentes no kargus xefias…