Comissão da Função Pública

Railaco, 15 abríl 2024, Komisáriu portfóliu disiplinar Komisaun Funsaun Públika, Agapito da Conceição ho Inspetora KFP, Sonia da Silva Soares prezensa iha abertura formasaun téknika Integridade, Inspesaun, Auditoria no Investigasaun ba funsionárius Sekretáriu Estadu Kooperativa hamutuk 64 kompostu husi feto 27 no mane 37.

Iha serimonia abertura formasaun Komisariu Agapito da Conceição iha nia diskursu husu ba partisipantes atu aproveita oportunidade di’ak ida hodi rona didiak esplikasaun husi orador sira nia materia. Aproveita tempu durante loron lima ne’e hodi aprende, knár inspetores sira nian la’ós atu buka ema nia sala maibé atu halo prevensaun ba buat ne’ebé la’o ladun tuir regras ka lei haloos tiha, hodi garantia boa governasaun.

Iha tempu hanesan Diretor Jeral ne’ebé reprezenta Sekretariu Estadu Kooperativa  ofisialmente  loke  formasaun ne’e liu husi nia diskursu, hato’o ba partisipantes formasaun sira hateten, oradores nain 10 ne’ebé mai fó materia ba imi durante loron lima fila tenke aplika buat foun iha imi ida-idak nia diresaun, tanba oradores sira ne’e mai husi instituisaun difenrente atu partilla regras legais ne’ebé servisu hodi serví ho di’ak ba ita nia rai no povu.

Orador iha formasaun ne’e mai husi KFP, KAK, PDHJ, INSS no instituisaun seluk.