Comissão da Função Pública

Komisáriu portfoliu Disiplinar Komisaun Funsaun Públika, Agapito da Conceição partisipa iha serimonia posse ba professores nain 286 ba ingressu professores ba kareira rejime espesial dosentes ho Grau C Eskalaun 1, Iha Munisípiu Covalima, kompostu husi feto nain 147 no mane 139, iha sábadu, (13/04/2024) iha Suai Vila.

Komisáriu KFP iha nia diskursu, hato’o  ba partisipantes  sira tomak katak eventu ida ne’e nakonu ho istória iha Administrasaun Públika liu-liu iha setór Edukasaun iha Autoridade Munisípiu Covalima.  Ingresu espesial kareira dosente nu’udar mekanizmu ida atu motiva Ddosentes no fó serteza ba sira nia eststutu nu’udar kuadru pessoal permanente ho kategoria Grau C, Eskalaun 1. Iha orgaun kareira dosentes, konserteza submete ba faze provas aferisaun kompeténsia dosente nian durante tinan ba tinan hafoin faze ida ne’e mak asesu ba kareira professional dosente Grau B.

Komisariu Agapito parabeniza emposadu sira no husu atu fó vontade susesu ba sira nia funsaun dosente, dezafia mós profesor sira atu halo mudansa mós ba iha dezempeñu, hasa’e  vontade di’ak ho responsabilidade efetivu, kontribui ba meta iha setór Edukasaun, nune’e Timor bele hetan riku iha  setór Edukasaun ho espesialidade dosente nian, hamosu Edukasaun ho kualidade iha Timor nia progresu.

Iha tinan barak ona imi ho termu sertu kontratu maibé, ohin loron imi hetan naroman sai Funsionárius Públiku, responsabiliza imi nia knár hanorin ho di’ak ba ita nia oan sira jerasaun foun labele tama ba servisu fatin tarde no fila sedu ba uma ne’e hatudu ba Públiku ladún serve sai nu’udar edukador. Adere ba misaun edukador tenke kumpri regras hatudu profesionalizmu ba Ema hotu iha fatin ne’ebé koloka ba nia provas mak alunus sira sai matenek ho kualidade, enkoraja Ministra Edukasaun.

Ministra Edukasaun husu ba inan ho aman mós tau matan ba labarik sira ajuda professor fó dalan di’ak ba oan hodi aprende ho vontade estuda makás, ezemplu hanesan professor fo traballu uma haruka oan hotu iha Uma, aban ba aprezenta labele haruka ba halo buat seluk ka husik nia ba ho avontade konforme nia hakarak, ita hotu kontribui ba Edukasaun nune’e ita nia oan sira sai matenek ho kualidade, ne’e mak partisipasaun husi inan ho aman.

Iha parte seluk Ministra Edukasaun afirma ba emposadus sira katak, labele orgullu de’it ho imi nia posse ne’e sai funsionárius públiku maibé, favor ida hala’o imi knár ho di’ak, tanba iha tempu badak Primeiru Ministru Xanana sei vizita ba Eskolas, talvez iha Fulan Maiu nia laran, husu professor atu servisu ho onestidade.