Comissão da Função Pública

Komisária Komisaun Funsaun Públika Anita Tavares Ribeiro de Jesus, Sekretária Ezekutiva hanesan mós Senior Ofisial Funsaun Públika, Maria da Costa Oliveira, Pontu Fokal Lorga dos Santos akompaña husi Xefe Gabinete KFP Rosvita Calapez Pires partisipa iha Lansamentu ba kampaña nasional kona-ba ASEAN “Road to ASEAN” ne’ebé hala’o iha sesta-feira, (14/03/2025), iha Salaun Nobre MNEC Dili.

Sai membru ba ASEAN la’ós de’it kona-ba ekonomia ka polítika maibé kona-ba hola parte iha família ida ne’ebé servisu hamutuk ba paz, progresu no futuru ida sustentável.

Ministru Negósius Estranjeirus no Kooperasaun, Bendito dos Santos Freitas hateten, lansamentu ofisial ba kampaña sensibilizasaun dalan ba ASEAN nian, ne’e asuntu ida importante tebes, polítika nasional ne’ebé Timor-Leste nia aspirasaun atu sai família ASEAN nian tanba ne’e mak preparativus hotu.

ASEAN halo kooperasaun inter-ministerial ne’e importante iha asuntus hotu ne’ebé ligadus. Estadu membrus ASEAN sira nian fó apoiu ho esperansa no preparasaun maximu tinan 2025 ne’e sai odamatan entrada ba membru plenu ba ASEAN tenki servisu makas hodi bele apresia karik sai realidade ba Timor-Leste.

Lansamentu ne’e hetan suporta maximu husi Uniaun Europoia ne’ebé halo kooperasaun ho Ministru Administrasaun Estatal tanba atividade ne’e sei tun ba munisípal hodi bele disemina informasaun kona-ba ASEAN nian.

Alende ne’e iha lansamentu ba BUS ne’ebé tau naran Dalan ba ASEAN “Road to ASEAN”.