Ministériu Edukasaun realiza seminariu sensibilizasaun kona-ba prevensaun asédiu seksual iha servisu fatin ne’e hanesan materia prinsipal ida ba Edukasaun, ho tema jeral “promove servisu fatin ne’ebé seguru respeitozu no livre husi Asediu”.
Relasiona ho atividade ne’e konvida mós Sekretária Ezekutiva Sekretariadu Komisaun Funsaun Públika, Maria da Costa Oliveira no mós Diretor Nasional Etika, Disiplina Prosedimentu Administrativa, Lourenço Barros Magno hodi partilla materia lae ba asédiu seksual iha servisu funsaun públika ba diretores eskola sira, professores iha munisípiu Manatuto, Postu Administrativu Manatuto Villa, iha Eskola EBF Aiteas, iha (14/03/2025) ne’ebé organiza husi INFORDEPE.
Materia hirak ne’e Diretor DNEDPA esplika, lae ba asédiu seksual iha Funsaun Públika ho ninia prosedimetnu administrativa disiplinar sira. Hafoin aprezentasaun ne’e Sekretária Ezekutiva SKFP aprezenta ferramenta ChatBot ROSA ba manorin nain sira oinsá hato’o keisa ba kazu asédiu ruma iha servisu fatin, ferramenta ne’e hanesan meiu ida oinsá atu hato’o keisa liu husi digital ka online ligadu ba asédiu no sei foti fali husi ekipa invetigador sira hodi análize hodi apura prosesu disiplinar.
Partisipa iha diseminasaun ne’e diretor eskolas, adjuntu diretores, koordenator eskola filial, pre – eskolar, no professores balun mai husi postu Manatuto Vila, Laclubar, Soibada, Barique, Laclo, no Laleia, hamutuk nain 107.
DÍLI – Prezidente no Komisárius Komisaun Funsaun Públika (KFP), ne’ebé akompaña husi Sekretária Ezekutiva, hala’o…
07 Abríl 2026, Vizita Primeiru-Ministru Kay Rala Xanana Gusmão mai KFP hodi konfirma pagamentu ba…
DILI – Komisaun Funsaun Públika (KFP) hamutuk ho Institutu Nasionál Seguransa Sosiál (INSS) foti pasu…
DILI, 26 Marsu 2026 – Komisáriu Komisaun Funsaun Públika (KFP) ba asuntu Planeamentu Forsa Traballu,…
DILI, 25 Marsu 2026 – Prezidente Komisaun Funsaun Públika (KFP), Agostinho Letêncio de Deus, hamutuk…
DILI – Komisaun Funsaun Públika (KFP) foti ona desizaun ba kazu alegasaun asédiu seksual ne’ebé…