Komisariu Komisaun Funsaun Públika (KFP), José Telo Soares Cristovao akompaña husi Diretor Belizario Rafael Magno Pereira, Asesor Legál KFP no ekipa tekniku ne’ebé reprezenta KFP hodi hatan ba Konvite husi Diresaun Jeral Seguransa no Prevensaun Konflitu Komunitáriu – Ministériu Interior (DJSPKK-MI) hodi sai Orador iha Formasaun Baziku ba Kazuais Prevensaun Konflitu “Preparar se melhor para servir o povo e à nação”.
Objetivu husi formasaun integradu ne’e maka atu prepara no kapasita mediadores hirak ne’e iha área oioin, hodi nune’e sira bele iha koñesementu adekuadu wainhira hala’o sira nia kna’ar nu’udar mediador no pontu fokal ba prevensaun konflitu hodi hametin paz no estabilidade iha komunidade nia le’et.
Komisariu KFP José Telo Soares Cristóvão halo aprezentasaun kona-ba Lejislasaun Funsaun Públika, alende ne’e mós iha orador husi Ministériu Administrasaun Estatal (MAE), Adjuntu Prokuradoria Geral Repúblika (PGR) no Ministériu Agrikultura Pescas Pekuaria no Floresta (MAPPF).
Iha formasaun ne’e partisipante sira hotu mai husi funsionáriu hamutuk 276 kompostu husi feto 96 no mane 180, formasaun integradu ne’e hala’o iha Sentru Formasaun Rairobo postu administrativu Atabae no Munisípiu Bobonaro iha Sábadu 02/12/2023.
Segunda-feira, 13 Jullu 2026 - Komisaun Funsaun Públika no Ministériu Defeza fo tomada pose ba…
Komisaun Funsaun Públika hamutuk ho Ministériu Agrikultura Pekuaria Peska no Floresta fo tomada pose ba…
Tersa-feira, 07 Jullu 2026 - Prezidente Komisaun Funsaun Públika (KFP), Agostinho Letêncio de Deus no…
MANATUTO - Ekipa integradu husi liña Ministeriais no Instituisaun Estadu sira hanesan, Komisaun Funsaun Públika-KFP,…
Prezidente, Komisárius hamutuk Sekretariadu Komisaun Funsaun Públika organiza enkontru konvokatóriu ho direjentes no kargus xefias…
Prezidente Komisaun Funsaun Públika, Agostinho Letêncio de Deus partisipa iha Timor-Leste Development Partners Meeting (TLDPM)…