Comissão da Função Pública

Kuarta feira, 19 Juñu 2019 – Komisaun Funsaun Públika liu husi Gabinete Inspesaun no Auditoria Komisaun Funsaun Públika realiza reuniaun trimestral ba daruak ho inspetores jerais no auditores sira husi liñas ministeriais kona-ba importansia padraun prosedimentu operasional ba sustentabilidade servisu inspesaun no auditoria, iha salaun Aikurus, Binani KFP, Matadouro, Dili.

Iha sesaun aprezentasaun husi Inspetor PSIK no Inspetor husi Ministériu Finansas kona-ba asuntu refere,  hamosu intervensaun barak husi inspetor sira husi Menistériu sira seluk kona-ba asuntu ne’e.

Hatan  ba aprezentasaun ne’e, inspetor husi Komisaun Funsaun Públika, Nelson Philomeno konsege responde  balu, no kestaun balu tau iha konsiderasaun atu bele konsolida hamutuk atu nune’e sei bele haree, estuda no analiza hamutuk diak liu tan, antes hatoo esbosu draft padraun prosedimentu operasional inspesaun no auditoria nian ba KFP no IJE hafoin ba Konsellu Ministru hodi aprova.

Hafoin enkontru ne’e inspetor jeral Ministériu Finansas, José Alexandre hateten, objetivu reuniaun ne’e mai husi servisu anterior ba inspetores jerais no auditores sira hodi hamosu desizaun ida hodi estabelese ekipa task force ida hodi kria esbosu auditoria interna iha âmbitu funsaun públika nian.

“Ekipa elaborador ba esbosu ne’e reprezenta husi inspetor nain lima hodi hahu esbosu hodi halo diskusaun ho ekipa sira seluk hodi hetan imput no feadback hodi bele prosede ba apresiasaun final ba reuniaun extraornaria tuir mai, hodi halo aprovasaun final ba dokumentu hodi submete ba KFP no IGE hodi lori ba Konsellu Ministru hodi hetan aprovasaun” dehan ekipa traballu reprezenta husi inspetor Ministériu Finansas, hafoin atividade reuniaun ne’e.

Iha tempu hanesan Komisariu KFP, asuntu disiplinar akresenta ekipa ida ne’e kria atu elabora esbosu dokumentus SOP atu bele finaliza dokumentus ida ne’e nu’udar guiaun ida atu orienta servisu inspesaun no auditoria nian.

“Ohin hanesan última aprezentasaun ba esbosu ne’ebé mak sira halo no sei iha enkontru extraordinaria ida hodi haree hamutuk hodi aprova no haruka ba Konsellu Ministru hodi aprova. No objetivu lolos mak oinsa atu bele estadariza servisu inspesaun no auditoria iha ambitu servisu inspesaun no auditoria iha âmbitu funsaun públika iha kada ministerial. Ida ne’e la taka dalan ba liñas ministeriais sira, tanba dokumentus ne’e ho konsensia tomak mai husi liñas ministerial atu bele formaliza dokumentus ne’e atu fasilita inspesaun no auditoria iha ministerius hotu”dehan Komisariu asuntu disiplinar, António Freitas, kuarta feira (19/06),  iha salaun Aikurus,Binani KFP, Matadouro, Dili.

Durante ne’e inspesaun no auditoria tutela ba kada ministerial ne’e iha gabinete inspesaun no auditoria iha no la’o normal, maibé esbosu ida ne’e kria atu formaliza, harmoniza, ajustamentu kona-ba regras estandarizasaun nasional atu bele kompleta no orienta servisu gabinete inspesaun no auditoria iha liñas ministériais no instituisaun indireta sira.

Reuniaun ne’e loke husi Prezidente Interinu Komisaun Funsaun Públika, Komisariu asuntu Formasaun, SIGAP no Forsa Traballu, José Telo Soares Cristovão.