Prezidente Komisaun Funsaun Públika, Reprezentante Ministériu Obras Públikas, Country Director Mercy Corps, Koica, iha sexta-feira, (19/01/2024) ofisialmente inaugura área estasionamentu utilizasaun material resikladu plástiku iha edifisiu oin Komisaun Funsaun Públika nian, iha Matadouro, Díli.
Iha diskursu abertura área estasionamentu utilizasaun material resikladu plástiku Country Director Mercy Corps ho prinsípiu atu promove lideransa iha komunidade iha baze ba aprosimasaun baze iha merkadu hodi hetan obstákulu sira li-liu ba ajudus prinsípius nian, rekompensasaun no reziliénsia hamutuk ho Komunidade iha Timor-Leste.
Diretora ne’e adianta, Mercy Corps hanesan Organizasaun lideradu Global ida ne’ebé bele haforsa ho fiar katak, mundu ne’ebé di’ak ne’e posível, iha dezastre, iha susar iha nasaun 40 resin iha mundu tomak nia parseiru ne’ebé fó solusaun ba asaun konkretu ne’ebé bele fó ajuda ema hodi manan hasoru susar no seluk tan.
Enkuantu Diretor Jeral Habilitasaun Urbana husi Ministériu Obras Públikas, Domingos de Araújo iha nia diskursu subliña, sente kontente ba projetu foun ida ne’e maske foin hahú ho planu ne’ebé feitu husi Diretor Jeral sesante sira nian. Maibé nu’udar Dirijente ida konsidera projetu refere kapaz no fantástiku tanba ne’e, nia aproveita oportunidade hodi husu ba Mercy Corps ho KOICA atu bele adianta konstrusaun ne’e no kontinua ba Instituisaun Estadu iha aredores KFP Matadouro, Díli nian.
Iha diskursu Prezidente KFP, Agostinho Letêncio de Deus aprezenta nia apresiasaun ba enseramentu iha área estasionamentu utilizasaun material resikladu plástiku ne’e realiza tanba, bazeia ba koordenasaun di’ak entre Órgaun importante sira maka hanesan, KFP hanesan utilizador no mós benefisiador, Ministériu Obras Públikas, Mercy Corps, KOICA hanesan ezemplu di’ak.
Prezidente KFP hateten, fatin estasionamentu refere konstroe husi lixu ka plástiku ne’ebé komunidade soe iha aredores Díli, tanba ne’e Líder KFP husu ba autor resiklajen lixu plástiku ne’e bele dezenvolve ka kontinua ba Instituisaun Estadu sira seluk iha Timor-Leste li-liu Instituisau Estadu nia iha sori-sorin.
DÍLI, 31 Jullu 2026 – Prezidente Konsellu Administrasaun Banku Nasionál Komérsiu Timor-Leste (BNCTL), Januário da…
Segunda-feira, 13 Jullu 2026 - Komisaun Funsaun Públika no Ministériu Defeza fo tomada pose ba…
Komisaun Funsaun Públika hamutuk ho Ministériu Agrikultura Pekuaria Peska no Floresta fo tomada pose ba…
Tersa-feira, 07 Jullu 2026 - Prezidente Komisaun Funsaun Públika (KFP), Agostinho Letêncio de Deus no…
MANATUTO - Ekipa integradu husi liña Ministeriais no Instituisaun Estadu sira hanesan, Komisaun Funsaun Públika-KFP,…
Prezidente, Komisárius hamutuk Sekretariadu Komisaun Funsaun Públika organiza enkontru konvokatóriu ho direjentes no kargus xefias…